Wikipedia:Inzoage IP-adressn tydelikke accounts
Inzoage in IP-adressn van tydelikke accounts (in 't Iengels: Temporary account IP viewer) is e specifieke gebrukersgroep vo menschn die de ounderliggende IP-adressn van tydelikke accounts meugen bekykn in de software.
Wa zyn tydelikke accounts?
[brontekst bewerken]Vroeger koest iddereen de IP-adressn zien van menschn die anoniem (zounder in te loggn) noa Wikipedia schreevn. Vo de privacy te beschermn, eit Wikimedia da veranderd. Menschn die nu anoniem bewerkn, krygn automatisch e "tydelik account" (byvôorbeeld ~2026-12345). Nunder echte IP-adres wordt verduukt vo 't grôte publiek.
Omda we toch vandoaln en sokpoppn moetn kunn'n teegnhoan, is deze specioale gebrukersgroep gemakt om die verduukte IP-adressn toch te kunn'n inzien.
Strakke privacyregels
[brontekst bewerken]Omdat 't over persôonlikke gegeevns goat, is 't gebruuk van deze tool zwoar gereglementeerd deur de Wikimedia Foundation:
- Ollêne vo misbruuk: Je mag de tool ollêne gebruukn vo vandalisme, spam of sokpoppn ip te spôorn. 't Is strang verboodn om uut nieuwsgierigied IP-adressn te bekykn of om 't te gebruukn in e geweune discussie over den inoud van een artikel.
- Noois openboar moakn: 't Is verboodn om een IP-adres van e tydelik account openboar te platsn ip de wiki.
- Logboek: Iddere kêe da je een IP-adres bekykt met de tool, wordt da in e beslootn logboek geregistreerd vo controle.
De situoatie ip de VLS wiki
[brontekst bewerken]Bêerders, Burocraatn en Toezichtouwers krygn dit recht automatisch, moa ze moetn 't wel êest zelve anzettn in nunder vôorkeurn (ounder 't tabblad "Gebrukersprofiel").
Ku je dit recht zelve anvroagn? Joak, ouk geweune gebrukers kunn'n dit recht anvroagn in de Café, moa je moe wel an strakke vôorwoardn voldôen:
- Je account moe minstens 6 moandn oud zyn.
- Je moe minstens 300 goeie bewerkiengn èn ip deze wiki.
- Je moe dudelik kunn'n bewyzn da je styf actief zyt in 't bestrydn van vandalisme.
Lyste van inzoage-gebrukers
[brontekst bewerken]Druk ip de knoppe ierounder vo de live lyste te bekykn van aal de gebrukers ip de VLS wiki die deezn explecieten toegang èn (bêerders zyn ier normoal gezien nie in ipgenomen, omda ze 't standaard al èn).