Wikipedia:Toalvroagn/Twi, twee of twêe

Van Wikipedia

Twi, twee of twêe (geconcludeerd)[brontekst bewerken]

By de toalvroage over 'AN mee' stoat er da je mi-ki-twi uutsprikt mè korte ie. Wilt da ton zeggn da me ossan mêe-kêe-twêe moetn schryvn? En o me twêe schryvn, moe me ton ôok nie 'twêede' schryvn en nie 'twidde weireldôorloge' en 'twidde gebruukersbyêenkomste'? Vo myn is 't gelyk, mo 'k en geirn dudelikeid da'k 't weetn vor in m'n artikels.--Pastel 10 feb 2008 19:22 (UTC)[reageer]

Twi, twee of twêe: alternatievn[brontekst bewerken]

  1. twi
  2. twee
  3. twêe

Twi, twee of twêe: discuusje[brontekst bewerken]

By twidde es d'r gin uutsproakprobleem. Moa oe je en tweeklanke oort, schryf je best twêede.

By mi, ki, twi wel es d'r wel en uutsproakprobleem. Oe je by die latste gevolln en tweeklanke oort, schryf je best êe, anders byv. ee of è. --Patrick 10 feb 2008 19:26 (UTC)[reageer]

Ik vindn da me 't best allemolle ip de zelfste maniere schryvn. Ik zeggn "twi" en "twidde", moa toch zyn 'k voorstander vo "twêe" en "twêede" te schryvn.--Zeisterre 10 feb 2008 20:23 (UTC)[reageer]
D'r zyn ier ol osan twee strekkiengn gewist. G'èt er die voorstander zyn vo meer uniformiserienge (uutbouw van SV tout en echte toale, e soort gemiddeld West-Vlams). En g'èt er die doar gin voorstander van zyn, en de rolle van SV surtout zien in 't koader van conflictbeheersienge (SV beperkn tout de probleemgevolln). --Patrick 10 feb 2008 20:40 (UTC)[reageer]
Een nobel streevn van Zeisterre. Moa dat is nie t'oudn - en vroeg of loate (vroeg, volgens myn) lop je teegn de lampe. En e gemiddeld West-Vlams... doa gruuwn 'k êerlik ezeid van. --Astro 14 feb 2008 17:25 (UTC)[reageer]
Ik ook, Astro. In uutsproake. Nie in spellinge!..--Zeisterre 14 feb 2008 17:29 (UTC)[reageer]
Ik vindn ôok dat iederêen z'n eign West-Vlams moe meugn schryvn, mo da je best 'n gemêenschappelikke spellinge gebruukt. O je te vele letters weg lat is 't vo sommigte moeilik leesboar en leesboareid vor ol de West-Vloamingn is toch de bedoelinge van de West-Vlamsche wiki. En vo dedie die da nie zien zittn kunn de toalmann 't nog verbetern in 't SV.--Pastel 15 feb 2008 11:27 (UTC)[reageer]
Ik bluve 't e delicoate evenwichtsoefenienge vindn. Sommigste vindn nu ol da me te verre goan in uniformiserienge (cfr. grond/groend/ground-discuusjes). Oe meer je uniformiseert, oe moelikker dat d'echte uutsproake t'achteroaln es. Moar oe 'n andern kant peinze 'k ikke da me wynder, lik West-Vloamiengn, uus (te?) vele fixeern up lokoale uutsproakverschilln die vo niet-West-Vloamiengn misschiens verwoarloosboar zyn omda 't voor under toch ollemoale West-Vlams es. Nim nu 't zinnetje zyn buuk slipt over de ground (gevoundn up uuzn wiki by Aketisse). Es datte gin schoon West-Vlams? In 't noordn goat d'uutsproake idder klienkn lik zien buuk slipt over de groend, in 't ZO lik zin beuk sljeept over de groond, moa nen kniesoor die doar up let. --Patrick 16 feb 2008 04:23 (UTC)[reageer]


Ik vindn o 'twidde' mag da 'twi' ôok moe meugn. 't Is de i van 'pit' en da kun je toch nie schryvn lik 'twee'? Of wel twidde en twi, ofwel twêede en twêe vor iedereen. En 'mee of mè' èn toch 'n andere klank of 'mi en ki (i van pit)? --Pastel 10 feb 2008 21:13 (UTC)[reageer]
Pastel, oe je joun uutsproake wilt oudn, en de "i" van "pit" in finoale positie wilt gebruukn, schryf toun "twè" (Fransche "è" lik in "je me lève").
Oe je doar nie an zyt, schryf toun "twee". --Patrick 10 feb 2008 21:44 (UTC)[reageer]
'k Ope da je myn redenerienge en bitje kut volgen? "i" in oopn lettergrepe sprik je uut lik "ie": "wi-ki-pedia, bi-ki-ni, mi-cro, gi-raffe, mi-graine, ri-viere, do-re-mi". Oe d'r vroage es vo de "i" van "pit" in oopn lettergreepn mè "i" te meugn schryvn toun zyn me de spelliengsregels an 't verandern, en keunn me nie anders dan woordn mè en echte "ie" toun echt mè "ie" begunn te schryvn: "biekienie, miecro, gieraffe, miegraine, rieviere, doremie". --Patrick 10 feb 2008 22:00 (UTC)[reageer]
Ik verstoan 't, mor in Yper zeggn me nie biekienie, miecro, gieraffe, miegraine of rieviere, dien klank is korter dan in doremi (de zeste klanke lik in Yper (lik of da me 't wyder zeggn, vaneigns)). Me gon nôois voun iderêen goed kunn doen, dat is zeker, mor en uplossienge voun 't dudelik verschil tusschn Y en IE em egliek nog nie. --Meuzel
Vgl. AN woar dat de "ie" klank soms lik "i" en soms lik "ie" gespeld es. Nie gemakkelik vo d'r nen droad in te vindn. En pogienge:
  • in oopn lettergrepe lik "i": giraf, bikini, silo, rivier
  • in geslootn lettergrepe schryf je "ie": vier, reptiel, lier, riet, subjectief, rivier
  • ofleidiengn bluuvn wel ounveranderd, ook ol stoat "ie" toun in oopn lettergrepe: vierendelen, reptielen, lieren, rietig, subjectieve, rivieren
  • an 't ende van e word were meestol "ie", ook ol stoat "ie" toun in oopn lettergrepe: biologie, catgegorie, divisie, kwalificatie, politie, therapie, versie
  • ook ier zyn d'r uutzonderingn (recentere leenwoordn?) : bikini, Chili, salami, safari, ski, taxi
--Patrick 14 feb 2008 16:51 (UTC)[reageer]
In 't West-Vlams e je 'n korte ie en een lange ie (uutsproake). De kortn wordt "y" geschreevn, meestal in een geslootn lettergrepe (myn, zyn, lyf...) en "i" in een oopn lettergrepe: (giraf, bikini).... De langn wordt "ie" geschreevn: (ziek, tiene, lief...). D'r zyn nateurlik assan uutzounderingn: me schryvn "muziek" moa volgns de uutsproake is 't "muzyk"...--Zeisterre 14 feb 2008 17:15 (UTC)[reageer]
Soms kittelt et vo e sorte van uutgebreide SV-spelliengsgids te schryvn ier, if only I had time.... --Patrick 16 feb 2008 04:27 (UTC)[reageer]


Twi, twee of twêe: conclusie[brontekst bewerken]

Me volgn best van ol SV. Da wilt dus zeggn:

  • wien da en tweeklanke oort, schryft twêe, twêede
  • wien da gin tweeklanke oort, schryft lik of dat 'n uutsprikt:
    • [ɛ]? (lik de "i" van "ik") → twè, twidde
    • [e]? (lik "ee" van "vee") → twee, tweede

Let up:

  • In sommigste streekn klienkt de klienker in AN "twee" en "tweede" anders, byv. in Wervik: twee moar twidde.
  • Twi es zekers verkeerd, omda die spellienge wyst up uutsproake "twie" ("i" in open lettergreep = ie)

--Patrick 10 feb 2008 20:45 (UTC)[reageer]