Naar inhoud springen

YouTube Creator Awards

Bezitter van e YouTube Zilvern Play-knop
Bezitter van e YouTube Goudn Play-knop
Bezitter van e YouTube Diamantn Play-knop
Bezitter van e YouTube Ruby Play-knop
Bezitter van e YouTube Rôde Diamantn Play-knop
Bezitter van e YouTube Amber Play-knop
Bezitter van e YouTube Malachite Play-knop
Bezitter van e YouTube Blauwn Diamantn Play-knop
Van Wikipedia
YouTube Creator Awards

Viere verschillige YouTube Creator Awards
Uutgereikt vo 'T behaaln van e mylpoale an abonnees ip YouTube
Uutgereikt deur YouTube
Land Weireldwyd
Êeste uutreikienge 2012
Website YouTube Award pagina

De YouTube Creator Awards, in de volksmound vôoroal gekend als YouTube Play Buttons of YouTube Plaques, zyn e reekse van pryzn (awards) van 't Amerikoansche video-platform YouTube die bedoeld zyn oem nunder mêest populoaire kanoaln te viêrn en in de blommetjes te zettn. Ze zyn gebaseerd ip 't antoal abonnees (subscribers) van e kanoal, moa wordn hêlegans noar eigen goeddunk'n van YouTube uutgedêeld. Ieder kanoal wudt êest gereviewd vôordat er e prys wudt uutgereikt, vo zeker te zyn da 't kanoal de richtlynen van de gemêenschap (community guidelines) van YouTube strikt volgt.[1] YouTube behoudt zyn eigen 't recht oem te weigeren van a Creator Award of te geevn, wuk dan ze byvôorbeeld ahl gëdaan hèn vo kanoaln die extreme horror of extremistische politieke content toogn.[2][3]

Pryzn (Awards)

[bewerk'n | brontekst bewerken]

On e YouTube-kanoal e bepoalde mylpoale (milestone) bereikt en verkiesboar wudt g'acht voor e YouTube Creator Reward,[1] krygen ze e redelik platte trofee in e metoaln omhulsel met e YouTube play-knop-symbool d'rin verwerkt. De trofeeën zyn van verschillige groottes: iddere knop en plakkette wudt progressief grodder noarmate dat 't antoal abonnees van 't kanoal stiygt.[4] De Gold Creator Award wierd g'ïntroduceerd ip VidCon 2012,[5] tegoare met de Silver Creator Award ip VidCon 2013,[6] en de Diamond Creator Award ip VidCon 2015.[7] De Creator Awards wordn gemakt deur 't bedryf Society Awards uut New York.[8]

Vôor moarte 2021 aht YouTube nog drie extra vôordeelniveaus (benefit levels). Dizze kwoamn nie in anmerkienge vo fysieke Creator Rewards, moar ze boodn wèl e poar preliminaire vôordêeln:

  • Graphite (Grafiet) wos vo kanoaln me 1 tout 999 abonnees.[9]
  • Opal (Opoal) wos vo kanoaln me 1.000 tout 9.999 abonnees.[10] Dit is 't minimum antoal abonnees dat vereist is voor 't YouTube Partner Program, wuk da ôok a minimum van 4.000 uurn kyktijd (watch hours) in de latste 12 moandn verêist, e pluss e manuele review van den inoud van 't kanoal oem te bepoaln of da 't an de richtlynn van 't programma voldoet.[11]
  • Bronze (Brouns) wos vo kanoaln me 10.000 toet 99.999 abonnees.[12] 'T YouTube NextUp-programma is exclusief vo kanoaln die an dizze drempel en andere programma-criteria voldôen. Dit is ôok 't minimum antoal abonnees da nôdig is vo e Spreadshop[13] of Spring (vroeger "Teespring" genoemd) merchandise-winkel (merch shelf) te meugen openen ip under kanoal.[14]

Lyste van sôorten pryzn

[bewerk'n | brontekst bewerken]

D'r zyn teegnwoordig drie reguliere Creator Awards niveaus,[1] plus e vierde en vuufde die nog moar e poar kêers zyn uutgereikt in d' historie:

Silver Creator Award

[bewerk'n | brontekst bewerken]

Uutgereikt an kanoaln die 100.000 abonnees bereiken of passeern. D' oude versie wos gemakt van e koper-nikkel legerienge (cupronickel) met e nikkelen loage.[15] De nieuwe versie (sedert 1 moarte 2017) is 92% nikkel, 5% koolstof en 2,5% zienk, me spoorn van andere metoaln.[16] In moarte 2018 wierd d'n uutkyk van de Silver Play Button g'üpdatet van e metoaln knop in e kaske me e glazen veister (woarip da de noame van 't kanoal stound gedrukt), noar e strakkere, platte metoaln plakkette woarip da de noame van 't kanoal is in reliëf gedrukt (embossed).[17][18] Kanoaln ip dit niveau kommn ôok in anmerkienge oem een digitoale verificoatie-badge an te vroagn.[19]

Gold Creator Award

[bewerk'n | brontekst bewerken]

Uutgereikt an kanoaln die 1.000.000 (êen miljoen) abonnees bereiken of passeern. 'T is gemakt van verguld messing (goud geplateerd).[15] In moarte 2018 wierd d'n uutkyk van de Gold Play Button g'üpdatet van e metoaln knop in e kaske met e glazen veister noar e strakkere, platte metoaln plakkette woarip da de noame van 't kanoal in reliëf wudt gedrukt.[17][20][21]

Diamond Creator Award

[bewerk'n | brontekst bewerken]

Uutgereikt an kanoaln die 10.000.000 (tien miljoen) abonnees bereiken of passeern. 'T is gemakt van verzilverd metoal met in 't middn e grôot stik kleurloos kristal (loodglas) in de vorme van d'n driehoek van e play-knop.[22][23] Toên dat 't wierd g'ïntroduceerd binst VidCon 2015, kwoamn d'r 35 kanoaln in anmerkienge vo de prys.[24] Teegn 13 december 2025 woarn der ahl mêer of 2.800 kanoaln die dit niveau aahn bereikt.[25]

Custom Creator Award

[bewerk'n | brontekst bewerken]

Vroeger uutgereikt an kanoaln die 50.000.000 (vuuftig miljoen) abonnees bereikten of passeerden. Sedert 1 september 2020 is dit d'n ênigsten prys die ountbriekt in de FAQ van de Creator Awards.[26] Nogtans is 't na dizze doatum no ossan of en toe an'eboodn, moa hêlegans noa de goeste van YouTube. PewDiePie gaf zelve de bynoame "Ruby Creator Award" (Robyn Prys) an dizze prys, omdat hy een dounkerroôd, robynkleurige prys krêeg in de vorme van 't logo van zyn kanoal. De kleur ka wel varieern per moaker: zo krêeg T-Series byvôorbeeld e kleurloze prys, binst da Blackpink e zwarte prys krêeg ip e roze sokkel. Teegn 8 februoari 2026 han 96 kanoaln dit niveau bereikt, moa dezen playbutton wudt eigelik nie mêer standaard uutgedêeld, hoewel da sommigte kanoaln custom playbuttons krêegn voor andere mylpoalen (bv. America's Got Talent vo 20 miljoen en MrBeast vo 200 miljoen).[25]

Red Diamond Creator Award

[bewerk'n | brontekst bewerken]

Uutgereikt an kanoaln die 100.000.000 (hounderd miljoen) abonnees bereiken of passeern. 'T is g'ïnspireerd ip de Diamond Creator Award en bestoat uut e play-knop driehoek met e grôte dounkerroste kristal d'rin. 'T wierd in september 2020 offisjeel toegevoegd an de Creator Awards FAQ.[26]

Teegn 20 februoari 2026 zyn d'r 16 kanoaln die dit niveau aahn bereikt:

  1. T-Series (29 meie 2019)[27][28]
  2. PewDiePie (25 ogustus 2019)[29][30][28]
  3. Cocomelon (12 december 2020)[31]
  4. SET India (28 moarte 2021)[32]
  5. MrBeast (28 juli 2022)[33]
  6. Kids Diana Show (16 ogustus 2022)
  7. Like Nastya (25 ogustus 2022)
  8. Vlad and Niki (13 ogustus 2023)
  9. Zee Music Company (24 september 2023)
  10. WWE (8 moarte 2024)
  11. Goldmines (20 september 2024)
  12. Stokes Twins (30 november 2024)
  13. Sony SAB (17 moarte 2025)
  14. KIMPRO (17 april 2025)
  15. Alejo Igoa (26 december 2025)
  16. Blackpink (20 februoari 2026)

200M Award

[bewerk'n | brontekst bewerken]

Uutgereikt an kanoaln die 200.000.000 (twêehounderd miljoen) abonnees bereiken of passeern. Dizzen playbutton wierd onthuld in e video van Matthew Beem, woaby dat em d'n huus van YouTuber MrBeast ombouwde. 'T eêt e styf gelykoardig ountwerp as de Red Diamond Award, moa d'n heeft e geel middnstik. 'T is deur velen d'n "Amber Award" (Amber Prys) gedopt, oewel da YouTube nog ossan gin officiële noame eêt gegeevn. Teegn 23 januoari 2026 zyn d'r nog moar drie moakers die vo dizze prys in anmerkienge kommn – T-Series[34], MrBeast[35] en Cocomelon.

300M Award

[bewerk'n | brontekst bewerken]

Uutgereikt an kanoaln die 300.000.000 (driehounderd miljoen) abonnees bereiken of passeern. Dizzen playbutton wierd ôok onthuld in dezelste video van Matthew Beem lyk d'n 200M Award. 'T volgt 't zèlfste patrôon als de 200M en Red Diamond Awards, moa dizze kêer met e groen middnstik. Den inofficiële noame is d'n Emerald (Smaragd) of zèlfs Malachite Award, oewel da YouTube der nog gin officiële noame an eêt gegeevn. Teegn 29 ogustus 2025 zyn d'r moar twêe moakers die in anmerkienge kommn vo dizze prys – T-Series en MrBeast.[36]

400M Award

[bewerk'n | brontekst bewerken]

Uutgereikt an kanoaln die 400.000.000 (vierhounderd miljoen) abonnees bereiken of passeern. Dizzen playbutton wierd onthuld in e post van MrBeast. De prys heêt 't zèlfste ountwerp als de drie vôorgoande pryzn, moa dizze kêer met e blauw middnstik. 'T heêt de bynoame Sapphire Award (Saffier Prys) en de Blue Diamond (Blauwe Diamant) prys gekreegn, hoewel da YouTube der ôok hier nog gin officiële noame an heêt gegeevn. Teegn 29 ogustus 2025 is inkel moaker MrBeast verkiesboar vo dizze prys.[37]

Referensjes

[bewerk'n | brontekst bewerken]
  1. 1 2 3 "YouTube Creator Rewards". YouTube. Geroadpleegd ip 12 april 2016.
  2. ↑ Weiss, Geoff. "YouTube On 'Play Button' Awards: 'Not All Creators Who Apply Will Receive Awards'". Tubefilter.com (6 februoari 2018).
  3. ↑ Alexander, Julia. "YouTube says 'not all creators who apply' for Creator Awards will receive them". Polygon.com (2 februoari 2018).
  4. ↑ "YouTube Creator Hub". YouTube (1 februoari 2017).
  5. ↑ Cohen, Joshua. "YouTube Gives 24-Karat Gold 'Play Button' to Channels with 1M+ Subs". Tubefilter.com (29 juni 2012).
  6. ↑ Storbeck, Devon; Wang, Christine. "VidCon Round-Up: What's New". YouTube Official Blog (3 september 2013).
  7. ↑ "YouTube Gives New Diamond Play Button To Channels With 10 Million Subscribers". Tubefilter.com (24 juli 2015).
  8. ↑ Watts, James D. Jr. "Some of the most famous trophies in the entertainment world get their finishing touches in Grove". Tulsa World (10 juli 2020).
  9. ↑ "Graphite". YouTube Creators (30 oktober 2018).
  10. ↑ "Opal". YouTube Creators (30 oktober 2018).
  11. ↑ "Channel memberships eligibility, policies, & guidelines". YouTube Help.
  12. ↑ "Bronze". YouTube Creators (30 oktober 2018).
  13. ↑ "Spreadshop Partners with YouTube to Grow Merchandise Sales Globally". Business Wire (12 november 2020).
  14. ↑ Alexander, Julia. "YouTube partners with Teespring to help creators sell official merchandise". Polygon (21 juni 2018).
  15. 1 2 "What is the Gold Play Button REALLY Made Of?". YouTube (3 december 2016).
  16. ↑ "What is the NEW Silver Play Button REALLY made of?!". YouTube (Moarte 2017).
  17. 1 2 "YouTube's silver and gold play buttons are getting a new look". SocialBlade.com (2 april 2018).
  18. ↑ "YouTube's Silver and Gold play Button Awards Get Redesigned". Youtubermag.com (April 2018).
  19. ↑ McPhie, Jonathan. "Updates to YouTube's verification program". YouTube Creator Blog (19 september 2019).
  20. ↑ Acuna, Kirsten. "YouTube Is Rewarding Its Most Popular Users With Gold". Business Insider (19 juli 2012).
  21. ↑ Cohen, Joshua. "YouTube Gives 24-Karat Gold 'Play Button' to Channels with 1M+ Subs". Tubefilter.com (29 juni 2012).
  22. ↑ Brouwer, Bree. "YouTube Gives New Diamond Play Button To Channels With 10 Million Subscribers". Tubefilter.com (24 juli 2015).
  23. ↑ Dillon, Poppy. "YouTube Announced Diamond Play Button". TenEighty (3 ogustus 2015).
  24. ↑ "YouTube Announces Diamond Play Button". (3 ogustus 2015).
  25. 1 2 "Top 5000 Subscribed YouTube Channels (Sorted by Subscriber Count)". Socialblade.
  26. 1 2 "Join the Creator Awards Program - YouTube Help". YouTube Help (1 september 2020).
  27. ↑ Leskin, Paige. "Bollywood music channel T-Series beat out PewDiePie after a months-long battle to become the first YouTube channel to reach 100 million subscribers". Business Insider (31 meie 2019).
  28. 1 2 Weiss, Geoff. "YouTube Forges New 'Red Diamond Creator Award' For Channels With 100 Million Subscribers". Tubefilter.com (9 september 2019).
  29. ↑ YouTube Twitter over PewDiePie. (25 ogustus 2019).
  30. ↑ Alexander, Julia. "PewDiePie becomes the first individual YouTube creator to hit 100 million subscribers". The Verge (26 ogustus 2019).
  31. ↑ Bean, Travis. "100 Billion Views And Counting: 'CoComelon' Is Absolutely Dominating Netflix And YouTube". Forbes (14 december 2020).
  32. ↑ "Sony Entertainment Television reaches 100 million global subscribers on YouTube". exchange4media.com (6 april 2021).
  33. ↑ Spangler, Todd. "MrBeast Tops 100 Million YouTube Subscribers: 'I Hope to Do YouTube Until the Day I Die'". Variety (28 juli 2022).
  34. ↑ "T-Series becomes first channel globally to surpass 200m subscribers on YouTube". BizAsiaLive (29 ogustus 2025).
  35. ↑ "YouTube honors MrBeast with unique 200M subscriber reward". Dexerto (29 ogustus 2025).
  36. ↑ "MrBeast makes history, becomes first YouTuber to reach 300 million subscribers". Hindustan Times (29 ogustus 2025).
  37. ↑ "World's richest youtuber MrBeast receives custom 400 million subscribers play button, but fans are disappointed; here's why". Times of India (29 ogustus 2025).

Externe koppeliengn

[bewerk'n | brontekst bewerken]
Overgenomen van "https://vls.wikipedia.org/w/index.php?title=YouTube_Creator_Awards&oldid=324542"