Zenne
De Zenne (Frans: Senne) is e riviere in België die ountspriengt in 't gehucht Naast te zuydn van Zinnik (Soignies, Henegouwn) en ton deur Brussel stroomt, woar dat de riviere overwelfd wierd. Achter 103 kilometer vloeit z' in Heffen an 't genoamde Zennegat (ten nôordn van Mecheln) in de Deyle, t'hope mè 't Kanoal Leuvn-Deyle. De Zenne is 103 km lank en de langste riviere die allêne over 't groundgebied van België stroomt. 't Is een indirecte zyriviere van de Schelde, via de Deyle en de Rupel.
De Zenne stroomt achterêenvolgens deur Naast, Zinnik (Soignies), Horrues, Stêenkerke (Steenkerque), Roosbeek (Rebecq), Quenast, Tubeke (Tubize), Lembeek, Halle, Buyzingen, Lot, Beersel, Ruysbroek, Droognbos, Vorst, Anderlecht, Sint-Gillis, Brussel, Sint-Jans-Molenbeek, Loakn, Schoarbeek, Neder-Over-Heembeek, Evere, Hoaren, Vilvôorde, Eppegem, Weerde, Hofstoade, Zemst, Hombeek, Leest, Heffen tout an 't Zennegat in de Deyle. Vanof Tubeke lopt 't kanoal Charleroi-Brussel parallel an de Zenne. Vorby Vilvôorde wordt de Zenne ounderhevig an de getydn van de Nôordzêe.
De Zenne in Rebecq 
Oude sluystorre over de Zenne in Weerde 
't Zennegat woar dat de Deyle, de Zenne en 't kanoal Leuvn-Deyle t'hopekommn
 |
Ofbeeldiengn die ier by passn ku je vien in de categorie Senne/Zenne van Wikimedia Commons. |