Zilupe
🌍 56°23′0″N 28°7′0″O
Zilupe (Latgoals: Sīnuoja, Duuts: Rosenau, Russisch: Розеново) is e stad in 't mêest ôostelik dêel van Letland, in de gemêente Ludza, in d' historische regio Latgale, an de riviere de Zilupe, e poar kilometer van de grenze tusschn Letland en Rusland. Der weunn 1.232 menschn (2025). De stoasje van Zilupe is den terminus van de tringroute Riga-Zilupe, êen van de langste yzerweegn in Letland.
De stad begost vo 't êerst vorm te krygn binst den anleg van den yzerweg Ventspils-Moskou in 1900, woarby dat de stoasje Rozenova genoemd wierd, achter de vroegere landeigenoare. Vlakby de stoasje wierd e klêene vestigienge gevormd van commerçantn en werkmenschn. De verdere ountwikkelienge van de plekke wierd ounderbrookn deur den Êerste Weireldoorlog. In 1918 wierd de spoorbrugge over de Zilupe-riviere verwoest. Van 1918 tout 1920 stound Rozenova, lik hêel Ôost-Letland, ounder Sovjetgezag. In januoari 1920 wierd Rozenova bevryd deur 't Lets leger en de plekke wierd hernoemd achter de riviere de Zilupe. Binst de Twidde Weireldoorlog wierd Zilupe van 6 juli 1941 tout 18 juli 1944 bezet deur 't Duuts leger.
 |
Ofbeeldiengn die ier by passn ku je vien in de categorie Zilupe van Wikimedia Commons. |