't Hof Van Commerce

Van Wikipedia
Dit artikel es geschreevn in 't Yzegems, en da zou best ozô bluuvn.

't Hof van Commerce

't Hof Van Commerce es nen Belgischen rap- en hiphopgroep uut West-Vloandern. Z'ein succes in hêel Vloandern, oewel da ze in 't West-Vlams ziengn en rappn, wa dat ze buutn de provincie nie goe verstoan.

Van under nen êestn cd En in Izzegem uut 1998 zyn der mêer of 8000 exemploarn van verkocht gewist. Van underne cd Rocky 7 ein ze d'er mêer of 10.000 verkocht. De afzonderlike leedn ein ôok een succesvulle solocarrière uutgebouwd, surtout Flip Kowlier en DJ 4t4 (die zelve ginne West-Vloamienk es, mor ne Limburger).

Z'èn al vele gezeid dat under nie te doene is vo 't West-Vlams ip zyn eigen, mo geweune omda dadde de toale es woar das under best in kunn uutdrukkn.

Leedn[bewerkn | brontekst bewerken]

Geschienisse[bewerkn | brontekst bewerken]

In 1997 ét de groep 't Hof Van Commerce begun, en in 1998 én ze undern jisten CD gemakt met de noame En in Izzegem. Van diene CD zyn der a-peu-près 8000 verkocht.

'T joar doar achter én ze zelfs ol under twide ploate gemakt: Herman. Doar én ze der een stik of 5000 van verkocht.

E poar joar loater, in 2002 én ze under derde ploate, Rocky 7 gemakt. Das wos e gruot succes, want z'én der 10.000 van verkocht. De group speelde in 2003 wok up de mjiste festivals in Belgie en Olland.

In 2005 én ze under, tout nu toe, latste ploate utgebrocht: Ezoa en niet anders.

Up den jisten oktober van 2005 ét de group ne TMF award gewoun' vou beste Urban Nationaal.

Achter da ze een hjil ende stille geleg'n én (Flip Kowlier ét up zyn jintje vuort gedoan), én ze in 2011 begun an e twodde nieuws. Oundertuss'n én ze ne nieuwen album: Stuntman.

't Hof Van Commerce es in pauze vanaf oktober 2013 tot januari 2018 gewist. Voor hun 20 joar jubileum én ze de compilatie Niemand Grodder utgebracht, asôok de film Wien is 't Hof Van Commerce?. Sedert januari 2019, es 't Hof Van Commerce were in pauze.

Ploatn[bewerkn | brontekst bewerken]

Kykt ook[bewerkn | brontekst bewerken]

Externe koppelienge[bewerkn | brontekst bewerken]