België
Uit Wikipedia
België is e parlementaire, constitutionele monarchie an de Nôordzêe. 't Grênst te zuudn an Vrankryk, ten ôostn an Duutsland en Luxemburg en ten noordn an Olland. In 't Westn is er nie echt e gebeur, mo wel de Nôordzêe. Achter 't woater ligt Iengeland. 'n Oofdstad è Brussel. Andere grôte steedn zyn Antwerpn, Luuk, Gent, Brugge en Charleroi.
Inoud |
[bewerkn] Bevolkienge
D'r weunn om en by de 10 miljoen inweuners in België. 6 miljoen doavan zyn Vloamiengn, der zyn 1 miljoen Brusseloars en de reste zyn Woaln.
[bewerkn] Toaln
D'r zyn drie officiële toaln: Nederlands, Frans en Duuts.
[bewerkn] Polletiek
België is e stoat die bestoat uut 3 gemêenschappn en 3 gewestn. De gemêenschappn en e culturele oorsproungg, de gewestn en economischn:
- de Vlamsche Gemêenschap, de Fransche Gemêenschap en de Duutsche Gemêenschap.
- Vlams Gewest, Woals Gewest en Brussels Oofdstedelijk Gewest
Ierby e je ton ook nog eki de federoale regerienge die ol de reiste doet.
[bewerkn] Geschiedenisse
De geschreven geschiedenisse begunt in 33 voe Christus op 't moment da Julius Caesar (in z'n De Bello Gallico) over de Belgen schryft ("De Dapperste Oller Galliërs"). Loater is gebleken dat die stammn nie overêenkomn mè de Belgen van nu, moa da doet er nie toe.
[bewerkn] Geografie
Belgie is over 't olgemeen styf plat - voerol in Vloandern. In 't zuudn, in de Woalen, è je e bitje 'bergen'. Den ôogstn is de Signal de Botrange (694 meter) in de Hoge Veenn. D'n ogstn top in Vloandern is de Kemmelberg (156 meter) in 't Euvelland.
[bewerkn] Beroemde Belgn
- René Magritte, suréalistis'n sklideroare
- Ambiorix, en Oudn Belg die teegn de Romeinn vocht
- Leo Baekeland, uutvinder van bakeliet
- Peter Benoit, componist
- Raymond Ceulemans, biljarter
- Jacques Brel, zanger
- Pieter Breugel, schilder
- Hendrik Conscience, schryver van De Leeuw van Vlaanderen
- Pater Damiaan, e froajn mens die zorgde voe de melaatsn
- James Ensor, moderne kunstschilder
- Zénobe Gramme, uutviender van den dynamo
- Hergé, de voader van Kuifje
- Jacky Ickx, ottocrosser
- Paul Janssen, uutvinder va medicamentn
- Mercator, têkenoare van koartn, uutvinder van 'n atlas
- Eddy Merckx, volgens vele de bestn coureur oller tydn
- Georges Nagelmackers, bankier en bouwer van den Orient Express en de slapwagongs Wagons-Lits
- Peter Paul Rubens, barokschilder
- Adolphe Sax, uutvinder van de saxofoon
- Georges Simenon, schryver van Maigret
- Simon Stevin, wiskundige
- Toots Thielemans, ooggewardeerdn jazz-muzikant
- Godfried van Bouillon, e vèchtersboasje die mèjdeed an den eerstn kruustocht
- Karel Van Depoele, uutviender van de elektriekn tram (trolley)
- Andreas Vesalius, weetnschapper in de anatomie
