Antwerpn

Uit Wikipedia

Ga naar: Begunplekkn, zoeken

De Onze-Lieve-Vrouwe-kathedroale e Brabo

't KMSKA i vôoranzicht

De Onze-Lieve-Vrouwe-kathedroale en 't Scheld

Burgemêester Janssens

Antwerpn (Nederlands: Antwerpen) is noar inweuneroantal de grotste gemêente van 't Vlams Gewest, en de twidde grotste van Belgie. In de gemêente zelve weun d'r om en by de 450.000 inweuners (tellienge van 2005). Antwerpn is ôok de oofdstad va provinsje Antwerpn. De burgemêester is Patrick Janssens van de SP.A.

De stad legt an de Schelde en is dankzy zyn oavn e "weireldstad". Wie Antwerpn zegt, peist direct ôok an diamantn. En sedert kort is de stad ôok weireldberoemd voe ze Mode-Academie ('Antwerpse Zes').

De inweuners van Antwerpn noemn ze ôok "Sinjoren". Moa dat is eigentlik een êretitel da je ollêne meugt droagn a je ol drie generoasjes lank binn de oude stadsmeurn (nu: de Leien) gebôorn zyt. Echte Antwerpnoars en de reputoasje dazze e grôotn moend en, en dikkenekkn zyn. Sommigsten zeggen da d'Antwerpenoars d'Amerikoann van Vloandern zyn.

't Schild van Antwerpn

Inoud

1 Districten
2 Etymologie
3 Een poar attraksjes
4 Sport
5 Gebôorn of dôodegoan in Antwerpn
- 5.1 Olgemêen
- 5.2 Politiekers
6 Varia
7 Externe koppelienge

[bewerkn] Districten

De stad Antwerpn is verdêeld in de volgnde districtn: Antwerpen, Berchem, Berendrecht-Zandvliet-Lillo, Borgerhout, Deurne, Ekeren, Hoboken, Merksem en Wilrijk.

[bewerkn] Etymologie

De noame Antwerpn komt volgens de legende va de reuze Druon Antigoon. Dien stoeg ip de Schelde mi zyn êen bêen op de linkeroever, en mi ze rechterbêen op de rechteroever. An ol de schepen die oender nem passeerdn vroegtn belastieng. Moa dat woas ni na de goeste va Silvius Brabo, e Romeinsn soldoat. Brabo kapte 'n and of van de reuze en smêet nem in de Schelde (hand-werpen). De echte betekenisse komt verzekers van "aangeworpen land" in de droaj van de Schelde.

[bewerkn] Een poar attraksjes

Brabo: de fonteine op de Grôte Mart.
De Grote Markt
Het Steen: e vroeger gevang, nu e scheepvoartmuseum
De Zoo van Antwerpn
Het Centraal Station, ebouwd in 1905
De Onze-Lieve-Vrouwekathedraal: 123 meters oge, e poareltje va gotische architecteure
De Carolus Borromeuskerk: barok toet en met
de Cogels-Osylei: Art Deco-uuzn
Boerentoren, den êestn wolknkrabber van Europa.
De Meir, e winkelstroate mi de ketens daj overal elders oek vindt.
Het Koninklijk Museum voor Schone Kunsten (KMSKA)
Het Rubenshuis
Plantin-Moretusmuseum
De Vogelenmarkt: voerol eliefd by d'Ollanders die 't verkêerdelik Vogeltjesmarkt noemn. 't Is e potpourri va verkoop van bêestjes, klêers, eten en drinken en e bitje brocante. Iedern zundagnuchtend toet een eure of twêe.

[bewerkn] Sport

In Antwerpn ej drie voetbolploegn in d'ogste reeksen: Germinal Beerschot (1ste klasse), Antwerp FC (twidde klasse), en Berchem Sport (vierde klasse).
De Proximus Diamond Games, e tennistornooi voe vrouwn in 't Sportpaleis. Win je drie kêers in vuuf joar, toe win ej e rakette mi diamantn.