Camille Looten

Van Wikipedia
Dit artikel zou beter herschreevn zyn in 't Westhoeks.

Camille Looten

Camille Looten (Nôordpene, 16 oktober 1855 - Rysel, 27 november 1941) was e Frans-Vlamsche paster en beschermer van de Vlamsche cultuur in Frans-Vloandern.

Leevn en werk[bewerkn | brontekst bewerken]

Looten begost zyn studies in Nôordpene in Frans-Vloandern, gieng ton noa 't kleen seminarie van Koameryk (Cambrai) en loater noa de Katholieke Universiteit in Rysel. In 1880 is't ie paster gewyd in Koameryk. Je promoveerde in 1889 met e proefschrift over Joost van den Vondel an de Sorbonne in Parys.

Je gaf werk uut van Michiel de Swaen en je publiceerde vele volknkundige en historische artikels over Frans-Vloandern.

Dat de Nederlandsche toale an de Katholieke Universiteit van Rysel koste gevolgd wordn in 1907, was surtout an den inzet van Looten te dankn. Je was hoogleroare Iengelsche toale en letterkunde an dien universiteit van 1890 toet 1941.

Vanof 1900 tout 1941 was't ie voorzitter van 't Comité Flamand de France. Je makte vele geleerdn en toalkundign in Vloandern en Holland gevoelig vo de posiesje van 't Nederlands in Noord-Frankryk. Vanwege zyn verdienstn is't ie in 1927 ipgenoomn als buutnlands lid in de "Maatschappij der Nederlandse Letterkunde in Leiden" en in 1930 volgde zyn benoemienge als erelid van de "Koninklijke Vlaamse Academie".

Je was styf gehecht an de Vlamsche toale en j' he vele ofgezien van de minachtienge vo 't Vlams en d' invoerienge van 't Frans als enigste ounderwystoale in Frans-Vloandern. J' het assan de rechtn van 't Vlaemsch verdedigd. In 1935 het ie de "légion d'honneur", een importente Fransche ounderscheidienge, gerefuseerd.