Casper en Hobbes

Van Wikipedia
Ga naar: Begunplekkn, zoeken

Casper en Hobbes is en umoristischn, Amerikoanschn strip van Bill Watterson. Tusschn 16 november 1985 en 31 december 1995 is 't iedern dag uutekomn. 't Goat over Casper, e knechtejoengn van zes joar oud en zyn speelgoedtyger Hobbes.

Nu zyn der nog ossan gazettn die 'n strip uutbriengn, lik de Morgen.

Ôorsproeng[bewerkn | brontekst bewerken]

Casper en Hobbes is ôorsproenkelik in 't Iengels uutebrocht ounder de noame Calvin and Hobbes. Watterson wrochtte 'n dien tyde in de reclammeweireld, mor e wulde begunn me strips te têeknn. 't Wos mor achter en ende en met 2 van ze neevnfiguurs (de klêne broere van êen van ze personoages met zyn speelgoedtyger) dat 'n en uutgever voend.

Casper (Calvin) en Hobbes zyn enoemd no 2 filosoofn: Johannes Calvijn en Thomas Hobbes.

Watterson eit olsan 'n twuk ghèd tegen commercie, doamee dat er nooit een teeknfilm es van gemakt, of t-shirts of zattn met Casper en Hobbes ip.

Inoud[bewerkn | brontekst bewerken]

De mêeste strips goan over Casper en Hobbes zevve. Oloewel da Hobbes e speelgoedtyger is, ziet Casper dat nie ezô. Ze doen tope vanolles en groakn e masse in de miserie.

Casper is vele an 't dagdroomn en toune nimt vele 'n en alter-ego an. Êentige vôorbeeldn:

  • Spaceman Spiff: intergalactisch ountdekkiengsreiziger
  • Hyperman (Stupendous Man): supereld die vicht teegn de onrechtveirdigeid
  • Tracer Bullet: privé-detective

Van e kartongn doze kut 'n vanolles moakn, lik e spillement voun deur 'n tyd te reizn, e transformeerder of e duplicator.

Casper goat in 't hêle nie geirn no 't schole en ne krygt ouk ossan slichte puntn. At 'n thuuskomt, is 'n ouk nog mêestol overende eloopn deur Hobbes.

Dikkens peis 't ie dat ie êen of ander bêeste is, gelyk nen dinosaurus.

Casper is zot van snêeuw. En is e mêester in keiarte snêeuwbolln moakn, dat 'n toune mêestol achter ze gebeurnege Inge smyt. E makt ouk geirn snêeuwventn, mo 't zyn nôois geweune. Ze zyn oltemets omverre ereen deur 'n otto van ze voader of ze zyn in twêeën ezoagd.

Personoages[bewerkn | brontekst bewerken]

  • Casper (Calvin)
  • Hobbes
  • De Moeder van Casper: doe vele voen Casper, mo 't is nie ossan eevn vele apprecieerd.
  • De Voader van Casper: Casper viendt nem soai, ze leevn in hêeln aarn weireld. Casper briengt ouk geregeld exit-polls uut woarin da zyn voader in 't hêle nie goed scôort.
  • Inge Dekker (Susie Derkins): gebeurnege woamei da Casper ossan in spil grakt. Deur neur et 'n de club A.M.M.O. (Alle Meiden Moeten Ophoepelen, G.R.O.S.S. in 't Iengels) upericht.
  • Roosje (Rosalyn): babysit, ze kunn makoar nie zien.
  • Juffrouw Wormhout (Miss Wormwood): juffrouw die pilln moe pakkn deur Casper omda Casper noois zyn uuswerk makt of iplet in de lesse.
  • Hammie (Moe): crapuultje die ossan up Casper sloat.