Charliermuseum
't Charliermuseum in Sint-Joost-ten-Node (Brussels Oofdstedelik Gewest) was ôorsprounkelik de weunste van de ryke Brusselsche commercant en mecenas Henri Van Cutsem. In 1890 liet 'n z'n hêernhuus verbouwn deur de joungn architect Victor Horta vo zyn kunstverzoamelienge te kunn exposeern.
By z'n dôod in 1904 het den beeldhouwer Guillaume Charlier 't huus g'erfd. In 1925 he' Charlier 't huus met de verzoamelienge gelegateerd an de gemêente Sint-Joost-ten-Node met den ipdracht van der een oopnboar museum van te moakn. D' openienge van 't museum was den 21stn oktober 1928.
De Belgische schilderkunst van 't ende van de 19e êeuw wordt er in beeld gebrocht. De salongs zyn uutgerust me meubels en kunstversierienge in Louis XV-, LouisXVI- en Empirestyl en wandtapytn uut Brussel, Oudenoarde en 't Fransche Aubusson.
Externe koppelienge
[bewerkn | brontekst bewerken]
|
Ofbeeldiengn die ier by passn ku je vien in de categorie Charlier Museum van Wikimedia Commons. |