Daphné Dumery

Van Wikipedia
Daphné Dumery vo den ingank van de Kamer van Volksverteegnwoordigers

Daphné Dumery (Blanknberge, 4 januoari 1974) is e West-Vlamsche politica vo den N-VA. Ze was volksverteegnwoordiger in de Koamer van 2010 toet 2019. Sedert 2019 is ze burgemeester van Blanknberge.

Daphné Dumery is de dochter van Myriam Moens en Jean-Marie Dumery, alletwêe actief gewist by de Volksunie. Ze lêerde vôort vo criminologie en rechtn an den Universiteit van Gent en z' is avocoate in Blanknberge. Z' is in 1998 getrouwd me Steve Papeliers en in 2001 is hunder dochter Robine geboorn.

De 27stn april 2011 is z' anveird als êeste vrouwe in de road van besteur van d' hoave van Zêebrugge.

Polletieke carrière[bewerkn | brontekst bewerken]

  • Van 2008 toet 13 juni 2010: vôorzitster van N-VA Blanknberge-Uutkerke en penniengmêester van 't arroundissement Brugge-Tourhout-Ôostkust.
  • Vanof 13 juni 2010 toet 2019: volksverteegnwoordiger in de Kamer, lid van de commisjes Buutnlandsche Zoakn, Europeesche betrekkiengn, Naturalisoasjes en Groundwetsherzienienge en Byzoundere commisje seksueel misbruuk.
  • 9 april 2011 toet 2015: deur den N-VA verkoozn toet algemêen penniengmêester van de partie. Ze makt azo ook dêel uut van 't nieuw doageliks besteur me vôorzitter Bart De Wever, oundervôorzitter Ben Weyts en secretoaris Andries Gryffroy.
  • 2014-2018: Scheepn Blanknberge
  • Vanof 2019: Burgemeester van Blanknberge

Externe koppelienge[bewerkn | brontekst bewerken]