Blanknberge

Dit artikel es geschreevn in 't Blanknbergs, en da zou best ozô bluuvn.

---

Stad Blanknberge   Blankenberge Liggienge binn 't arroundissement Brugge in de provinsje West-Vloandern Woapen Vlagge Geografie Gewest Vloandern Provincie West-Vloandern Arroundissement Brugge Liggienge 51°18' NB 03°07' OL Liggienge {{{latitudeGraden}}}°{{{latitudeMinuten}}}′NB {{{longitudeGraden}}}°{{{longitudeMinuten}}}′OL Ippervlak 17,41 km² Inweuners (Bron: NIS) Inweuners – Vintn – Vrouwn – Bevolkiengsdichtheid 18.450 (01/01/2008) 47,66% 52,34% 1044 inw./km² Leeftydsipbouw 0–17 joar 18–64 joar 65 joar en ouder (01/01/2004) 15,72% 60,87% 23,41% Buutnlanders 2,54% (01/07/2005) Weirklôoseidsgroad 14,71% (01/01/2006) Polletiek Burgemêester Patrick De Klerck (Open VLD) Coaliesje Open VLD, CD&V Zetels Open VLD sp.a CD&V N-VA Vlaams Belang Dwars 25 10 7 4 3 1 Dêelgemêentn me postcode Postcode Dêelgemêente 8370 8370 Blanknberge Uutkerke And're info Zonenummer 050 Poliesjezone {{{polz}}} Webadres www.blankenberge.be

De piere van Blanknberge

De Cazjeno

D'estacade me Zeibrugge in de verte

Gerestaureerde geirnoarbowt B72 (1939) in d'oude visschershoave

Oud stadhuus (1680) in Vlamsche renaissancestyl

't Huzetje van Majutte

De Paravang

Blanknbergsche visdroagsters in de visschersstoet

Blanknberge (officieel Nederlands: Blankenberge) is een stad in West-Vloandern. 't Is ein van de populairste en drukste plekkn an de Vlamsche Kust. D’r weunn biena 20.000 menschn.

Blanknberge strange 1900

Je ziet ze van alle kantn kommn noa ‘t strange. In ’t hoogsizoen legt den NMBS zelfs speciale trings in vo de touristn.

Geschiedenisse

• Geschiedenisse van Blanknberge
• Blanknbergs Varretje
• Chatterdo
• Genteledyk
• Groaf-Jansdyk
• Onze-Lieve-Vrouwe van Meetkerke
• Roesschaert
• Scarphout

Deilgemeintn

De gemeinte Blanknberge bestoat uut de deilgemeintn Blanknberge en Uutkerke.

#	Noame	Ippervlakte (km²)	Bevolkienge
I	Blanknberge	2,61
II	Uutkerke	14,81

Blanknberge grenst an:

• a. Lissewege me Zêebrugge en Zwankendamme
• b. Zuunkerke
• c. Nieuwmunster
• d. Wendune

Koarte

Blanknberge en 't omliggende. De gilwe gebiedn zyn bebouwd.

Attraksjes

• Sea Life Centre, woa da je kennis makt met 't leevn ounder woater. Je kunt d'r beistn bekykn van over heil de weireld.
• De Velodrome, e villoboane in hout woa da je roundjes kun ryen ip kluchtige villo's.
• Den amfibie, e voertuug dat ip land kan ryen en ip zeie kan voarn. Van ip 't strange rydt 'n rechte de zeie in vor e tochtje ip 't woater.
• 't Serpentarium, geleegn ip den dyk.
• De Scute, B1 Sint-Pieter, 'n authentieke replica van 'n oude visschersbowt lik dan ze eiwenlange voardn an uze kust. Je kunt er kennis moakn met 't visschersleevn lik dat 't vroeger was.
• De viertorre met 't zeimuseum.
• 't Belle Epoque Centrum.

Beziensweirdigheedn

• 'n Antrekkelik strange met e lengte van 3,3 km. In de zomer kun je cabientjes, ligzetels en parasols heurn. D'r zyn ook vintn die roundgoan met bakkn crème glace of met e plateau Boule de L'Ysers. Je kunt z' howren roepn van in de verte. Ook ip den dyk van 2 km lank valt er vanalles te beleevn.
• De jachthoave, de vroegere visschershoave.
• De twi estacades (staketsels) woa dat de voargeule tusschen lopt. Ze zyn vernield gewist deur de Duutschers ip 't ende van WO2 en volledig herbouwd. 't Owsterstaketsel begun joarn 1950 in hout en 't westerstaketsel begun joarn '70 in betong.
• De Piere, 'n uniek bouwwerk met e wandelbrugge in de zeie van 350 m lank.
• De Cazjeno, cultureel centrum.
• De Paravang, e wiendscherm uut de Belle-Epoque-periode.
• Art Nouveau
• 't Monument van Lippens en De Bruyne ip den dyk.
• 't Huzetje van Majutte: 't einigste visschershuzetje van Blanknberge da bewoard gebleevn is en gerestaureerd.
• De Sint-Antoniuskerke
• 't Oud stadhuus (1680) in Vlamsche renaissancestyl, beschermd monument sedert 1937.
• De Fonteintjes, e nateurgebied in de duunn tusschn Blanknberge en Zeibrugge en 't Zeibus in 't poldergebied.

Evenementn

• Carnaval wordt in Blanknberge styf gevierd. De zundag vo de vastn trekt de carnavalstoet deur de stroatn, de moandag is ’t kiendercarnavalstoet en biertente ip de markt, den diesendagachternoene de Vule Jeanettestoet en ip vastnoavend carnavalambiance in de stroatn van Blanknberge en surtout in de cafés.
• Blanknbergsche Revue: ieder joar in moarte
• Twee daagse van Vlaanderen: wandeltocht ieder joar ‘t eiste weekend van meie en de Stormtocht in 't noajoar [1]
• Klankenberge: muzikaal evenement, iedere vrydag in juli en augustus
• Parkklankn: zomerfestival in oopn lucht in ’t Albert I Park, iedere woensdagoavend in juli en augustus
• Zomershow Crazy World in 't Wit Peird in juli en augustus. [2]
• Blommestoet, iedere latste zundag van augustus

Polletiek

Burgemeisters:

Van	Tot	Noame
Vo 1792		Pierre-Jacques Pollet
1801	1808	Emmanuel-Pierre Semaesse
1809		Leon De Rycker
1809	1830	Joseph-Louis Mamet
1830	1847	Jacobus De Langhe
1848	1866	Frans-Henri Mamet
1867	1874	Leon Dujardin
1875	1877	Cornelis De Meulenaere
1877	1884	Alfons Van Mullem
1885	1896	Gustaaf Notebaert
1896	1906	Karel Deswert
1907	1914	Gustaaf D’Hondt
1914	1921	Jozef Ponjaert
1921	1926	Arthur Pauwels
1927	1931	Gustaaf D’Hondt
1931	1932	Leon Nuytemans
1933	1938	Arthur Pauwels
1939	1941	Leon Nuytemans
1941	1944	Victor De Rycker
1944		Louis Van Sluys
1944	1945	Leon Nuytemans
1945	1946	Louis Van Sluys
1947	1970	Maurice Devriendt
1970	1986	Willem Content
1986	1994	Sylvère Declerck
1994	2011	Ludo Monset
2011	nu	Patrick De Klerck

Sport

• Atletiek: Atletiek Club Blankenberge
• Basket: Fantasia Blankenberge
• Tennis: Tennisclub Blankenberge
• Turnen: Kon.T.V. “Rust Roest” Blankenberge vzw
• Voetbal: K.Sporting Club Blankenberge
• Zeilen: Scarphout Yachtclub
• Zwemmen-Woaterpolo: Blankenbergse zwemvereniging
• Karate: Karateclub Zendokan Blankenberge
• Jiu-jitsu: Jiu-jitsu Blankenberge: Website

Openboar vervoer

• Stoasje
• Kusttram

Villoroute

• Genteleroute

Bekende Blanknbergenoars

• Luk Alloo, TV-vedette
• Pieter Aspe, schryver, geboorn en ipgegroeid in Brugge moa weunt nu in Blanknberge
• Raymond Brulez, schryver
• David Dehenauw, weerman
• Leopold Konkelberge, gemeinteroadslid en commercant
• Marva, zangeresse en commercante
• Frans Masereel, grafisch kunstenoare
• Rudi Pillen, kunstenoare
• Frans Regoudt, kunstschilder
• Patrick Riguelle, zanger en muzikant
• Sliek de Zeesterre, rap-hiphopgroep
• Tom Stubbe, coureur
• Etienne Van Audenaerde, kanoalzwemmer
• Jeanne Vande Putte, dichteresse
• Willem Van Hecke, kunstschilder
• Lucien Van Kersschaever, bekend in de basketbalweireld
• Jules Van Paemel, grafisch kunstenoare
• Leo Van Paemel, kunstschilder
• Ferdinand Vonck (°1921), kunstenoare
• Roger Wittevrongel, kunstschilder

Blanknbergs lied

‘t Blanknbergs lied is gekend deur al d’echte Blanknbergenoars. De meiste kenn moa d’eiste strofe moar eigentlik zyn d’r vuve.

Uutdrukkienge

• Een Blanknbergsche rekenienge: een ingewikkelde rekenienge woa da je kop noch steirt an krygt.
• Een Binjeur: een stik ipt strange woar daze strandstoeln verhuurn.

Toale

Blanknbergs is een toale die nieverans anders gesprookn wordt, zelfs nie in de gemeintn d'r round, Zeibrugge, Windune en Uutkerke. 't Wordt bykans alleine nog deur d'oudere menschn geklapt wat da vreindig spytig is. Ook dowdjammer is dat er vele woordn zyn die verdwynn. Os j' an de joungere generoasje vroagt wat dat e "koudzaksje" is verstoan ze da nie mè. Alleine d'oudere weetn dat dat 'n (ys)crème is. Vele Blanknbergenoars weunn nu in Uutkerke vo 't druk tourisme t'ountvluchtn. En d'r zyn vele touristn, die hunder oudn dag an de zeie deure briengn, in Blanknberge vreindig vele Antwerpenoars. Die nieuwe Blanknbergenoars wordn angespoeldn genoemd.

Oefenienge: 'k Stoan mè m'n ein bein in de zeie. 'k Koopn e growt browd by de bakker. 'k Zittn an 't stier van m'n otto. 't Is vreindig geistig.

Een Blanknbergenoare noemt Blanknberge: 't steedje.

Varia

Blanknberge is vereiwigd in e kluchtig liedje van Hugo Matthysen. E poar zinnetjes:

Blankenberge Blankenberge, wonderschone stad

Ik wou dat ik in m'n achtertuin zo'n Blankenberge had

Blankenberge Blankenberge, parel aan de kust

De mooiste plek op aarde voor wie zand met schelpjes lust

(c) Hugo Matthysen

Externe koppeliengn

• Officiële website van de stad
• Blankenberge-online
• Lokoal nieuws van Blanknberge en de regio
• Cultuurcentrum Blankenberge

Mêer ofbeeldiengn die ier by passn ku je vien in de categorie Blanknberge van Wikimedia Commons.