Derm (tuun)

Van Wikipedia
Ga naar: Begunplekkn, zoeken
Nen ipgerolden derm

De derm of de lanse (Nederlands: tuinslang) es 'n twadde da je keunt bezigen vo de ounder andere de blomn in jen of woater te geevn, uw zwembad te vulln of unen auto te kuusn.

Uutzicht[bewerkn | brontekst bewerken]

Nen derm bestoat meestol uut drie stikkn:

  • den derm zelve, uut materioal gemakt da flexibel es, kwestje da j'em gemakkelik kut uprolln, mo toch stevig, kwestie dat 'n derm nie olle fefoetn gatte es.
  • an 't een uutende es d'r en ansluutstik da je via e kliksysteem up e woaterkroane kut aansluutn
  • an 't ander uutende komt et woater d'ruut.

De derms zyn meestol in vaste standoardlengtes te krygn: 10 m, 15 m, 20 m of 50 m.

Accessoires[bewerkn | brontekst bewerken]

Specioal sproeistik ip 't uutende

Weegns zyn polyvalent gebruuk, zyn der in de lôop van de tyd verschillige bystikkn ountwikkeld voo den derm:

  • In veel gevolln es den derm gemonteerd up e mobiel' asse up wieltjes woar da je den derm handig lanks kut uprolln. Zo pakt y styf letter plekke in oe j'em nie direct nodig eit.
  • Ip et uutende stoat er dikwyls een specioal sproeistik. Da kut ne simpeln sproeimound of ne meer geavanceerdn pistoolmound zyn. Dat uutende es ook voorziene van nen droaiboarn debietregeloare, zo bepoal je oeveel woater dat er d'ruut moe kommn of ôok in wuk vo vorme (lik êen dikke stroale, of mêer in nen brêedn nevel). Sommeste sproeistikkn zyn vôorzien van een reservoir woarin da je kuusproduct keunt doen.
  • Der bestoan ôok specioale bustels die je keunt ansluutn als sproeistik. Ze zyn vôorol bedoeld om unen auto te kuusn.
  • Soms es nen derm angeslootn ip een specioal meulentje, da de woaterstroale in een aantol verschillige stroaln verdêelt. 't Droait doarby round, zodoanig da hêel 'n of gelykmoatig gesproeid es.