Draft

Van Wikipedia
Ga naar: Begunplekkn, zoeken

Draft is e systèim vo nieuwe spelers te verdêeln over de ploegn in e competitië. 't Wordt surtout gebruukt in de Nôord-Amerikoansche sportn lik basket, American football, baseball en yshockey.

Met e draft wordt er geprobeerd van 't niveau van de ploegn in evenwicht t' houdn. De ploeg die 't vôrig sizoen 't minst gepresteerd het, krygt d' êeste keuze vor e speler uut de nieuwe lichtinge an te vroagn. De twidde minste ploeg krygt de twidde keuze en da goat assan moa deure tout dat al de ploegn de keure g'hed hen. Doarachter kunnen der nog mêer roundes volgn in dezelfste volgorde.

't Vôordêel van 't draftsystèim is da mindere ploegn 't noaste sizoen beter kunnen presteern deur e betere speler by te krygn. E noadêel is da binst 't sizoen sommigte ploegn hunder specioal loatn verliezn vor e zo lêeg meugelikke draft pick te krygn.

Doarom gebruukt den Amerikoanschn NBA sedert 1985 een angepast draftsystèim. D' êeste keuze wordt hier verloot ounder de ploegn die nie in de play-offs gerakt zyn.