Fossiel

Van Wikipedia

Fossieln zyn d'overbluufsels of spôorn van prehistorisch leevn. Over 't algemêen zyn fossieln oud, 't is te zeggn minstens 10.000 joar oud en veel ouder omdat 't overgrôot dêel van de fossieln verstêend zyn deur de verplatsienge van d'ôorsprounkelikke overbluufsels deur rotse.

Fossilisoatie[bewerkn | brontekst bewerken]

Fossilisoatie gebeurt vrêe zeldn en up 't land nog minder dan in de zêe. 't Is doavan dan de mêeste fossieln marien zyn en dikwyls van geschelpte bêestjes omda die minder rap vortn en doadeure mêer kanse hen van te verstêenn.

Bêestnfossieln[bewerkn | brontekst bewerken]

De mêest olgemêne fossieln kommn van brachiopoodn, bivalvia, crinoiedn en cephalopoodn, afhankelik van waffer geologische periode da j'ounderzoekt.

Minder dikwyls zyn der gewerveldn gevoundn, gelik bêendern van ichthyosaurussn of wulhoarige neushôorns.

Plantnfossieln[bewerkn | brontekst bewerken]

Behalve in stêenkoollaagn zyn plantnfossieln nogol schoars, en dat is ton mêestol gepetrifieerd (verstêend) hout.

Spôorfossieln[bewerkn | brontekst bewerken]

Die zyn gemakkeliker te viendn, omdat een bêeste veel spôorn kan naloatn, mo moar êen lichaam

Viendplatsn in West-Vloandern[bewerkn | brontekst bewerken]

D'er zyn mo winnig plekkn in West-Vloandern woa da je fossieln kunt viendn. Je kut oltyd noa de golfbrekers an de kust goan kykn, moa dat is eigentlik gin rotsen van hiere. In een zandgroeve in Êgem [1] kund je hoaietandn viendn, mô 't probleem mê groevn is da je êest togangspermissie moe krygn. Hoaietandn zyn der oek gevoundn ip de Kemmelberg.

Anders is de dichtste plekke woa da je goeie fossieln kunt viendn Cap Blanc-Nez ten zuudn van Calais.

Wikimedia Commons