Frank Valentino

Van Wikipedia

Frank Valentino, echte name Franky Verrecas, (Brugge, 3 september 1957) is e West-Vlamsche zangere.

Je begon ols muzikant in de fanfare en loatere in orkesten en os tie een joar of twientig was e tie begunnen ziengen. Da was den tyd dat Elvis juuste gestorven was. Ja meer sukses nog als zangere en azo is tie zangere gebleven. Je van eerste ki meegedoan in de Baccarabeker en jee to de prys gewonnen. Johnny Hoes hee dem een ploatencontract gegeven en je traad toen ook veel op met de BRT Big Band. Twi joar loater vroeg den BRT hem voa mee te doen in de Knokke Cup en jee da toa vree goed gedoan. Os Tien Om Te Zien begost was tie direct met den trein en ja in ol die joaren een twientig hits in da programma. Volare, Delilah, Mijn hart is vrij woaren de beste bekendste.

Midden de joaren tnegentig eet tie e eigen zaake begunnen in Roeseloare. 't Was dor ollemolle met Disney versierd en ter kwaamt vele volk. Eén van de gebeurs moest do nie te vele van weten en dendienen ee joaren an e stik ruuze gemakt met Frank. Frank is ton moa gestopt met die taverne en j'is gelukkig weer in de muziek gesproengen. J'ee nu vele werk en j'is kontent.

Frank e lange in Brugge geweund, j'is ton verhuusd noa Roeseloare, nog loater no Marke en ook e por joar in Tenerife. Sinds december 2016 weunt ie were roend Brugge, in Loppem. Tegoare met Nancy.

Frank is ook een grote supporter geweest van Club Brugge, moa je goa ol lange nie met no 't voetbal.

Je makt nog vele ploaten, je wordt vele gedroaid ip de radio en ip Ment tv.

Externe koppelienge[bewerkn | brontekst bewerken]