Funksjoneriengsgesprek

Van Wikipedia
Ga naar: Begunplekkn, zoeken
Dat artikel es oorsprounkelik geschreevn in 't Brugs.

'n Funksjoneriengsgesprek is de moment da den boas ip 'n gestandardisèrde maniere me zun oendergeschiktn klapt over oe dan ze in 't gepasseerde joar, olf joar of 3 moandn gepresterd en.

Paul Watzlawick, 'n gekende Oastnryks-Amerikoanse psycholoog, eet ooit gezeid da je nie nie kut communiceren. Dank zy em en nog veel andre psychologische oenderzoeken en ze in et bedryfsleevn et belang van klappen ingezien. Oe grotter et bedryf oe mèèr da 't belangryk wordt vo da klappen in 'n vaste structeure te gieten. Doarom dan ze funksjoneriengsgesprekken utgevoendn en, en doamee ook formuliern wo dan de 2 partyen ton oak ipschrievn wa dan ze in da gesprek willn zegn teegn mekoar. Die formuliern wordn toan bewoard zodoanig dan ze van joarn an e stik kunn weetn oe da den oendergeschiktn geevoluèèrd is.


Meugelikse onderdèèln van 't funksjoneriengsgesprek[bewerkn | brontekst bewerken]

In 't funktjoneriengsgesprek is 't de bedoelinge dat der no de verbye periode gekeekn wordt, dan der do lessn ut getrokn wordn vo de toekomst en dat der ton afgesprookn word ip waffer maniere dan de tekortn van die verbye periode goan verbeterd wordn.

Der zyn verschillige maniern vo d'evaluosie van de verbye periode te doen. Meugelikse oenderdèèln zyn:

  • De verweezlikiengn van de verbye periode
  • De doelstelliengn die moestn begoald zyn en de moate woarin dan ze begoald zyn
  • Ipservoasies van den boas over 't funksjoneern van den oendergeschiktn
  • Beoardelingn deur cliënten en levranciers
  • Beoardelingn deur collegas en oendergeschiktn
  • ...

Der zyn verschillige maniern vo de meugelikse tekortkommingen ip te lossen:

  • Ipleidinge
  • 'n andren job
  • Goan klappen met de cliënten en levranciers
  • ...

Meugelikse gevolgn van et funksjoneriengsgesprek[bewerkn | brontekst bewerken]

Et funksjoneriengsgesprek is èèn van de oekstèènn van 'n modern personèèlsbeleid. Os ol de gesprekn deftig gebeurn en ol de resultoatn 't ope geleid wordn krygt de personèèlsdienst 'n overzicht van oe dan ol de personèèlsleedn van 't bedryf presteern. Ip basis dovan kunnn ze ze rangschikn van den besten no den slichsten. Vo de dee die nog vele tekortn aan kunnn ze 'n ipleidingsbeleid maakn. De dee dien 't stief goed gedoan en kunnen promotie krygn en/of ipslag.