Georg Philipp Telemann

Van Wikipedia
Ga naar: Begunplekkn, zoeken
Georg Philipp Telemann noar e schilderye van Ludwig Michael Schneider (1750)

Georg Philipp Telemann (Moagdnburg, 14 moarte 1681 - Hamburg, 25 juni 1767) was e Duutsche barokcomponist, dirigent en organist.

Je studeerdege Rechtn in Leipzig moa binst zyn studies begost ’n mêer interesse te krygn vo muziek.

Je was hofmuzikant in Sorau en Eisenbach en stedelik muziekdirecteur in Frankfurt en Hamburg.

In 1728 et Telemann, tegoare me Johann von Gorner, ‘t muziektydschrift Der Getreue Musikmeister ipgericht en in de dertiger joarn et ’n e dêel grôte reizn gemakt, o.a. noa Parys.

In 1743 et ‘n Das neue musikalische System geschreevn en herwerkt in 1767.

Telemann was enorm productief. Zyn oeuvre omvat ca. 45 opera’s, 46 passies, 33 oratoria en vele motettn en liederen. Je schrêef ook vele orkest-, koamer-, orgel- en klavecimbelmuziek.

Wikimedia Commons Mêer ofbeeldiengn die ier by passn ku je vien ip Georg Philipp Telemann ip Wikimedia Commons.