Illig-Bloedprocessie
- Dit artikel es geschreevn in 't Brugs, en da zou best ozô bluuvn.
D' Illig-Bloedprocessie eet olle joarn platse ip Ons-Êer-Emelvoart in Brugge. 't Is een Christelikke processie die bestoat uut grôte wagens en doaby veel groepn die vertelliengen uut et Oud en Nieuw Testament verbeeldn.
De reedn vo de stoet is 't feit da kruusvoarders oender de leidinge van Diederik van den Elzas in 1150 't Bloed van Christus ('t Illig Bloed dus) noa Brugge zoen meegebrocht hen uut Palestina. Diederik zou de relikwie gekreegn hen, met toestemmienge van de patriarch van Jerusalem, uut handn van zyn schôonbroere Boudewyn III van Anjou, keunienk van Jerusalem. Sedert ton, en dus ol vo méér dan 800 joar, goat d'Illig-Bloedprocessie deure. Vo de Bruggeliengen is dat een specioalen oogdag en d'er komt ook oltyd veel volk kyken. 'T zien vrêe vele menschen da zeggn da de Romingse Soldoatn de schôonste groepe is, omda ze zo vele disiplien moetn èn voe heelsang te stampn.
De relikwie van ’t Illig Bloed in Brugge[bewerkn | brontekst bewerken]
De relikwie (een poar druppels gestold bloed) wordt bewoard in een lankwerpig flastje in bergkristal, dat in een gloazen koker zit, ofgebôord met goudn krôontjes. Jozef van Arimathea, een discipel van Jezus, zou ’t bloed ipgevangen hen en bewoard, achter da Jezus van ’t kruus ghoald was.
|
Ofbeeldiengn die ier by passn ku je vien in de categorie Procession of the Precious Blood, Bruges van Wikimedia Commons. |