Kiekeboe

Van Wikipedia
Kiekeboe

Kiekeboe is Vlamse stripreekse, getekend en geschreevn deur Robert Merhottein of Merho.

Oenstoan[bewerkn | brontekst bewerken]

Begun joarn 70 ad Merho al e ki geprobeerd om me de personages va ze broere ze puppespel en album te maakn, mor ie gerakte mor an 8 pagina's. Zyn twidde pogieng lukte wel en 't eerste album verscheen. De strip verscheen vo 't eerst in de gazettn Het Laatste Nieuws en De Nieuwe Gazet op 15 februoari 1977. Robert Merhottein was toen 29 joar. De eerste 45 strips werdn utgegeevn deur J. Hoste en loater deur Standaard Uitgeverij. Momenteel is Kiekeboe de meest geleezn stripreekse va Vloandern. Er wordn zelfs meer exemplaarn gedrukt dan va Suske en Wiske.

Personages[bewerkn | brontekst bewerken]

  • Marcel Kiekeboe is 't ôofdpersonage. 'n Is veral gekend va ze dikke zwarte moustas en ze kletsekop. Er zyn al verschillende strips na em getiteld: Kiekeboe in carré (nr6), Kies Kiekeboe (nr13), De snor van Kiekeboe (nr23), Kiekeboeket (nr35), De wereld volgens Kiekeboe (nr74), Kiekebanus (nr76) en Kielekiele Boe (nr97).
  • Charlotte is de vrouwe va Kiekeboe. Ze is uusvrouwe mo ze kut ook eur mannetje stoan en ze bewyst da in album 30 Het lot van Charlotte.
  • Fanny is de blounde, snelle dochter va Kiekeboe. Praktisch elk album e ze en ander lief en 't is gin katje vo zounder andschoenn an te pakkn. Ze speelt d’ ôofdrolle in onder andre Fanny girl (nr17)
  • Constantinopel is de zeune va Kiekeboe. 'n Is computerversloafd en 't is e snugger ventje. Er is ôok en album nar em genoemd: Konstantinopel in Istanboel (nr46)
  • Leon Van der Neffe is de oensympatiekn gebeur va Kiekeboe. 'n Is beroepsmilitair.
  • Carmella Van Der Neffe is de (ex-)vrouwe va Leon Van Der Neffe. In album 112 is ze va Leon gescheidn.
  • Joekselen Froefroe zyn de kinders va Leon en Carmella. Geregeld krygn ze 't verbod vo nog me Constantinopel te speeln.
  • Leo Van Der Neffe is de broere va Leon. 'n Is cipier en ook congierge va e appartementsgebouw.
  • Jozefien Kiekeboe of moemoe is de moeder va Kiekeboe en is nogal bemoeizuchtig en speelt d’ ôofdrolle in album nr 41 De bende van moemoe
  • Vitalis moemoes schoonbroere. Ne moakt e heel avontuur in album nr 109 Een echt Vitalko
  • Fernand Goegebeur is de overbuurman va Kiekeboe. Ne oet alles in de gaatn en e spuugt als 'n e twa zegt.
  • Thea Thraal is de vrouwe va Goegebeur sinds album 36 Het witte bloed. Z'is ôok e oude vriendinne va Kiekeboe.
  • Balthazar is e derderangs boefje die assan toevallig me Kiekeboe te maakn krygt.
  • Inspecteur Sapperdeboereis e dikke politie inspecteur die assan an eetn peist.
  • Firmin Van De Kasseien is de boas va Kiekeboe. 'n Is vrouwnzot en ne makt soms misbruuk van de goeie wil va Kiekeboe.
  • Chichi is de vrouwe va Firmin. Zy speelt en ôofrolle in de affaire chichi (nr91).
  • Dédé La Canaille is e misadadiger die dankzy Kiekeboe in 't gevang zit. 'n Is al e poar ki oenstapt: De wraak van Dédé (nr52), De come-back van Dédé (nr65), Het idee van Dédé (nr75), In het spoor van Dédé (nr85) en Dédé bij nacht (nr111).
  • Dame Thea is e kleine madam die overtyd eigenlik e vint was. De Kiekeboes kunn eur plan wel assan dwarsboomn mo ze slaagt er iedere ki in va te ountsnappn. Ze komt under meer voor i het witte bloed (nr36) en De DT-fout (nr108).
  • Madam Stokvis is e vriendinne va moemoe mo ze is nog nooit getekend gewist. Toch is er al e album nr eur vernoemd: het stokvis-incident (nr56).
  • De dikke madam komt in elk album voor mo eigenlik zegt ze biekan nooit e twadde.

Typisch Kiekeboe[bewerkn | brontekst bewerken]

  • De wôordspeliengsjes in de noamn. Bevôorbeeld de gebeur noemt niet toevallig Van der Neffe: dat is Antwerps vo van ierlaasn. Guy Taar speelt ôok mee in een veroal.