Lancashire

Van Wikipedia
Ga naar: Begunplekkn, zoeken
Lancashire
FlagOfLancashire.PNG Escut Lancashire.png
EnglandLancashire.png
Liggienge in Iengeland
Land Iengeland
Stoatus Non-metropolitan
en ceremonieel
Regio North West England
Hoofdplekke Preston
Ippervlak 2903,1 km²
Inweuners 1.461.400 (2011)
(475 inw/km²)

Lancashire is e groafschap (county) in d' Iengelsche regio North West England. De noame komt van de stad Lancaster.

Geschiedenisse[bewerkn | brontekst bewerken]

Lancashire was êen van de partyen die betrokkn was by de Rozenôorloge tusschn 't Huus van Lancaster (met een rôo roze in under schild) en 't Huus van York (met een witte roze in under schild). De Rozenôorloge vound platse tusschn 1455 en 1485 woardan de twê partyn om d' Iengelse krône vochtn: olletwê d'huuzn stamdign van Eduard III of, moa de ruzie begost ot de rechtmoatign upvolger, Richard II, deur de hertog van Lancaster wierd ofgezet die hemzelve toet Hendrik IV krôondige.

Binst d' Industriële Revoluusje ip 't ende van d'achttienste êeuwe kwam Lancashire e belangryke commerciële en industriële regio. Teegn de joarn 1830 was 85% van al 't katoen over hêel de weireld verwerkt in Lancashire. Accrington, Blackburn, Chorley, Darwen en Burnley woarn de belangrykste katoenindustriesteedn in dien tyd.

Geografie[bewerkn | brontekst bewerken]

Lancashire grenst an de county's Cumbria, North Yorkshire, West Yorkshire, Greater Manchester en Merseyside. Blackpool, e toeristische plekke an de zêe, en Blackburn with Darwen, zyn unitaire gebiedn.

De twêe grotste steedn zyn Lancaster en Preston. Vo 1974 maktegen Liverpool en Manchester ook dêel uut van Lancashire.

Lancashire lopt ten westn van 't Penninisch Gebergte (Pennines) noa d' Iersche Zêe. D'Hoogste bergn zyn Gragareth (627 m) en Green Hill (628 m). Riviern zyn de Ribble, de Wyre en de Lune.

Lancashire ligt juste te zuudn van 't Lake District (Merengebied), e nationaal park in 't groafschap Cumbria.

Districtn[bewerkn | brontekst bewerken]

  1. West Lancashire
  2. Chorley
  3. South Ribble
  4. Fylde
  5. Preston
  6. Wyre
  7. Lancaster
  8. Ribble Valley
  9. Pendle
  10. Burnley
  11. Rossendale
  12. Hyndburn
  13. Blackpool (Unitary)
  14. Blackburn with Darwen (Unitary)
Lancashire Ceremonial Numbered.png

E gekend gerecht van Lancashire is "Lancashire Hot pot", da gerêed gemakt wordt mè vlêes, andjoens of andere groensels en petattn.

Menschn van 't groafschap wordn Lancastrians genoemd.

Wikimedia Commons