Lourdes-effect

Van Wikipedia

't Begrip Lourdes-effect is uutgevoundn deur de West-Vlamschn filosoof, atheïst en skepticus Etienne Vermeersch. 't Verwyst noa 't feit da van bepoalde bovennateurlike krachtn beweird wordt dan ze bestoan, moa da 't bewys doavôorn vrê moeilik up een êendudige maniere te viendn is. Ot de de miraculeuze kracht van Lourdes echt bestoat, zeg Vermeersch, is ter gin reden vo te peizn da 't vo den Hillige Maagd of de christelyke God moeiliker zou zyn vo - zeg moa - een g'amputêerd bêen 't herstelln dan vor een (meugeliks hysterische) verlammienge of blindheid te geneezn.

't Zelste effect werkt mè fenomêenn gelik 't Monster van Loch Ness of de Verschrikkelike Snêeuwman, woardan fottos en woarnemiengn olmetêens minder scherp en betrouwboar wordn dan mêer olledaagse observoasjes.[1]

Mè 't wôord Lourdes-effect stikt Vermeersch de drake met de selectieve en ounkritische benoaderienge van zogenoamde mirakels, of 't lichtzinnig toeschryvn van bovennateurlike talentn an bepoalde mensn. Sceptici duudn derup da 't antol ongelukkn van mensn up reize noar of van Lourdes veel grôter is dan de 67 mirakels deur gebedsgenezienge die deur 't Vaticoan erkend zyn.[2]

  1. ‘’Wetenschappelijke apriori's tegen het paranormale’’ door Prof. Etienne Vermeersch.
  2. Lourdes heeft mirakel nodig - Wetenschappelijke evoluties zetten bedevaartsoord een hak - interview met Etienne Vermeersch en Willem Betz, Het Nieuwsblad, 12 maart 2006

Bronne[bewerkn | brontekst bewerken]

  • Etienne Vermeersch - Van Antigone tot Dolly. Veertig jaar kritisch denken, Antwerpen, Hadewijch, 1997, 256 pp.