Luis de Requesens y Zúñiga

Van Wikipedia
Luis de Requesens y Zúñiga
1528 – 1576
Luis de Requesens y Zúñiga.
landvoogd van de Nederlandn
Periode1573 – 1576
VôorgangerAlva
IpvolgerDon Juan van Oostnryk
VoaderJuan de Zúñiga y Avellaneda
MoederEstefania de Requesens

Luis de Requesens y Zúñiga (Barcelona, 25 ogustus 1528Brussel, 5 moarte 1576), was e Spoansche legeranvoerder en landvoogd van de Nederlandn binst de Tachtigjoarign Oorloge.

Zyn leevn[bewerkn | brontekst bewerken]

Don Luis de Requesens is geboorn in Barcelona. Je stamdeg uut ’n oadellyke Catalonische familie en was de zeune van Juan de Zúñiga y Avellaneda en Estefanía de Requesens. Filips II aad e grôot vertrouwn in em en doarom steldegt ie em an vor em te verteegnwoordign in Rome. Filips liet em ook z’n olfbroere Don Juan by stoan in verschillige oorloogn w.o. de Slag by Lepanto in 1571.

Van 1572-1573 wast ’n landvoogd van Milaan en in november 1573 kreegt ’n de moeilikkn ipdracht vo d’n ertog van Alva ip te volgn ols landvoogd van de Nederlandn en ’n gemoatigdern politiek te voern. J’Arriveerde d’n zeevntienstn november 1573 in Brussel en j’è van ’t begun tou an z’n dood enorm vele probleemn g’ed.

In 1574 schaftet ie de Tienstn Pennink en de Road van Beroertn of, vo de bevolkinge te poaien. Binst zyn periode wast er ’t beleg en ’t ountzet van Leidn en ook de slag ip de Mookerheide. Je startte vredesounderandelingn mè Breda die misluktn en je veroverde de steedn Oudewoater en Zierikzee.

Je stierf ounverwachts in Brussel. Achter z’n dood kwoamn de Stoatn-Generoal byeen en slootn de zogenoamde Pacificoatie van Gent in 1576. Ollene entwien die akkoord was mè de Pacificoatie mocht Requesens ipvolgn. Don Juan van Oostnryk wierd angesteld.