Michael Jackson (zanger)

Van Wikipedia
Michael Jackson in 1988

Michael Joseph Jackson (Gary, Indiana, 29 ogustus 1958Los Angeles, Californië, 25 juni 2009) was een Amerikoanschn popzanger.

Je was 't zevende kiend en makte dêel uut van de Jackson 5 vanof 1968. Je begost een solo carrière in 1971, binst dat je nog in de groep zaat. Zyn grotste successn aad je in 't begin van de tachtiger joarn, mê albums gelik "Off the Wall" (1979), "Thriller" (1982), "Bad" (1987), "Dangerous" (1991) en "HIStory" (1995). "Thriller" is nog oltyd "the world best-selling album" van olle tydn.

Loater in z'n leevn zyn z'n prestoaties as een zanger overschaduwd gewist deur geruchtn van sexuele reloaties mê minderjoarige joengetjies. In 2005 is 't je vô 't gerecht gekommn, mô vrygesprookn.

Up 't moment van zyn dôod was Michael Jackson em an 't vôorbereidn up een reekse van 50 concertn in 't O2 stadium in Londen, en oewel da 't nog nie zeekr is, ziet 't er nôr uut dat d' inspannienge vôr in form te geroakn, 't hope mê pynstillers, z'n herte doen stoppn ên.

Albums[bewerkn | brontekst bewerken]

  • Got to Be There (1972)
  • Ben (1972)
  • Music & Me (1973)
  • Forever, Michael (1975)
  • Off the Wall (1979)
  • Thriller (1982)
  • Bad (1987)
  • Dangerous (1991)
  • HIStory: Past, Present and Future, Book I (1995)
  • Invincible (2001)
Wikimedia Commons