Nicolò dell'Abate

Nicolò dell'Abate (Modena, ca. 1512 - Fontainebleau, 1571) was ‘n Italioansche maniëristische kunstschilder en êen van de belangrykste mêesters van d’êeste schole van Fontainebleau.

Zyn leevn

Nicolò dell'Abate krêeg z’n ipleidienge in Modena en ountwikkelde z’n styl in Bologna. Je studeerdeg’ êest beeldouwkunst by Antonio Begarelli, mo loater wierd ’n beïnvloed deur Dosso Dossi, Correggio en Parmigianino.

In 1552 vertrokt ’n no Fontainebleau in Frankryk ounder keunink Hendrik II. Je schilderde doa de Galerie d’ Ulysse en de Hendrik II-galerie. Je werkte tegoare me Francesco Primaticcio en ielp mee an de verspreidienge van ’t Italioans maniërisme.

Je was portretschilder, schilderde fantasielandschappn, mythologische- en liefdesthema ’s en je makteg’ ôok ountwerpn vo keuninklikke tapytn, vor officiële gebouwn en edelsmeedwerk.

Je beïnvloedde de Fransche classicistische landschapschilders Claude Lorrain en Nicolas Poussin.

• Belangryke werkn
• 
  Portret van e jounge vint met e poapegoaie(Kunsthistorisches Museum, Wenen)
• 
  De reddienge van Mozes (Musée du Louvre, Parys)
• 
  Orpheus and Eurydice (National Gallery, Londn)
• 
  D’ountvoerienge van Proserpina (Musée du Louvre, Parys)

Ofbeeldiengn die ier by passn ku je vien in de categorie Nicolò dell'Abate van Wikimedia Commons.