Nieuw-Zêeland
Uit Wikipedia
Nieuw-Zêeland is e land in de Stillen Oceoan, te zuudôostn van Australië. ’t Bestoat uut twêe grôte eilandn en e hêeln oop klêne eilandjes. Staatsoofd is Elizabeth II, de keuniginne van Iengeland, want Nieuw-Zêeland makt dêel uut van ’t Gemênebest. ’n Oofdstad is Wellington.
De noame komt va Zêeland, e provinsje in Olland. ’n Êestn Europeoan die Nieuw-Zêeland zag, wos een Ollander: Abel Tasman (van zyn achternoame komt Tasmanië, da juste ounder Australie ligt).
[bewerkn] Bevolkienge
D’ôorsprounkelikke inweuners van ’t land zyn Maori, die doar – volgens istorici - in de vroege Middelêeuwn natoe gekommn zyn. Vanof de joarn 1700 kwaamn d’r mêer e mêer Europeoanders. Nu zyn d’r nog om en by de 500.000 Maori. Van de 4 miljoen Nieuw-Zêelanders is 75% van Europesche afkomste. 10% is Maori.
[bewerkn] Economie
’t Bekendste exportproduct van Nieuw-Zêeland is de kiwi. E groene, rounde vruchte die vele vitamienn bevat. Vodder van de reste voern ze ôok vele vlêes, vis en out uut. De latste joarn komt Nieuw-Zêeland ôok styf bekend voe ze wyn.
[bewerkn] Sport
De populairstn sport is ruby. De All Blacks, de nationaaln rubyploeg, is weireldberoemd. Vôorn iedern match doen ze e dans (de haka, in de tradiesje van de Maori) om de tegenstanders te verschrikkn.
 |
Mêer ofbeeldiengn die ier by passn ku je vien in de categorie New Zealand van Wikimedia Commons. |
