Otto III (HRR)

Van Wikipedia
Otto III
980-1002
Keizer van 't HRR
Periode996-1002
VôorgangerOtto II
IpvolgerHendrik II
Rôoms-Duutsche keunienk
Periode983-1002
met Otto II (983)
VôorgangerOtto II
IpvolgerHendrik II
Keunienk van Italië
Periode996-1002
VôorgangerOtto II
IpvolgerArduin van Ivrea
VoaderOtto II
MoederTheophanu

Otto III van 't Ottoons Huus, (Reichswald by Kessel (Kleve), juni/juli, 980 - Castel Paterno by Faleria Italië, 23 januoari 1002) was den ênigste zeune van keizer Otto II en zyn vrouwe Theophanu. Je wierd in 983 an zyn drie joar in Aken gekrôond tout Rôoms-Duutsche keunienk.

Zyn voader stierf ounverwacht an malaria en Hendrik II van Beiern, e nounkel van Otto II, probeerde de Duutsche trône te bemachtign. Je kwam de regent van de klêenn Otto, moar in 984 krêegt ie gin steun me van de Duutsche hertoogn en je was verplicht van 't regentschap over te loatn an Otto zyn moeder Theophanu. Ze was zyn regente tout an heur dôod in 991 en zyn grotmoeder Adelaide van Bourgondië van 991 tout 994. Je was ton 14 joar oud.

In 996 wierd ie deur paus Gregorius V gekrôond tout keizer van 't Hillig Rôoms Ryk.

Otto III stierf ounverwacht an zyn 21 joar. Ip da moment was de Byzantynsche prinsesse Zoe, de twidde dochter van keizer Constantyn VIII, noar Italië an 't reizn vo met hem te trouwn. Otto is dus nôoit getrouwd gewist en j'had ook gin jounges.

Zounder keizer ip de trône krêeg Duutsland minder controle over Italië en ip 15 februoari 1002 wierd Arduin, de markgroaf van Ivrea, in Pavia verkoozn tout keunienk van Italië.

In Duutsland wierd Otto III ipgevolgd deur Hendrik II, de zeune van zyn grôotnounkel Hendrik II van Beiern.

Zyn kienderkrône (Essener domschat)
Wikimedia Commons