September

September es de neegnde moand van het joar en telt 30 doagn. De noame komt van het Latynse septembris, wa da zeevne betêkent. Da komt omda'd in de Rominsn tyd 't joar begoste in moarte. September es de moand woarin da de schoole were begunt voo de jounge gasten tot an 18 joar. 't Es ôok de moand woarin dat de herfst begunt: 21 september es êen van de twêe doagn in 't joar woarip dat de dag eevn lange deurt lik de nacht ('n andern es 21 moarte, 't begun van de lente).

Specioale doagn

• 1 september: begun van't schooljoar
• 21 september: begun van de herfst

De moandn van het joar:

januoari - februoari - moarte - april - meie - juni - juli - ogustus - september - oktober - november - december