Veugelpyk

Van Wikipedia

Pyltjes ip e veugelpyk

Veugelpyk is e kaffeesport die officieel darts noemt. 't Is overol in de weireld espeeld, mo 't komt van Iengeland. Vroeger hiengt er in iedern kaffee e veugelpyk, nu is dat e bitje emienderd, mo 't zyn der ogliek nog vele. De bedoelienge is voun me drie pyltjes (‘’darts’’ in 't Iengels) zoe goed meugelik te smytn (en in e nermoal spel 501 te smytn).

E veugelpyk en de moatn[bewerkn | brontekst bewerken]

Ne veugelpyk

E veugelpyk is e rounde van e houtn ploate met doarup zwynhoar of synthetiesche vezels met doaround e metoaln band. Vanvôorn is 'n upedêeld in e rôze (groen=25 puntn, rôod=50 puntn) me doaround 4 riengels (vanbuutn=2x (e dubbeln), toune x1, toune x3 (e tripel) en toune were x1) ounderverdêeld in cyfers van êen toet twientig. A je dus in tripel 20 smyt, e je 60 puntn esmeetn. De riengels van de dubbels en de tripels zyn oftewel rôod, oftewel groene. De geweune riengels zyn gilf en zwort.

De numers stoan ezô up e veugelpyk, vanboovn te begun in wyzerzinne: 20-1-18-4-13-6-10-15-2-17-3-19-7-16-8-11-14-9-12-5. Roend olle vaksjes is er e metoaln droad (oek round dubbels, tripels en de rôozn).

De deursnee van e veugelpyk is bykan 46 cm. En hangt 173 cm hoge (emeetn van 't middn van de rôze toet de ground, oungeveer up d'hogte van d'oogn van e mens van e meiter tachentig) en de lyne ligt up 2 meiter 37 van de vôorkant van veugelpyk.

In tyde wos er in West-Vloandern espeeld up klinder blokkn van iepnhout, juuste lik dat er nu nog espeeld is in de streke van Manchester (Log End Darts).

’t Spel zeve[bewerkn | brontekst bewerken]

Veugelpyk ounderdêlen

’t Bestoan e masse verschillige spelln, mo ’t mêest van ol smytn twêe menschn teegn makoar toet 501. De mêeste veugelpykers smytn achter de tripel 20, mo j’et er oek die achter de tripel 19 smytn.

De spelers smytn ek up ze toer met 3 pyltjes en ze smytn toet an ze 501 en. Uutsmytn moe wel gebeurn met e dubbeln of met de rôze. Oltemets is er oek espeeld toet 301 (voen 't e bitje zidder te loatn goan).

Mêestol is er vantevôorn ofesprookn hoevele spelletjes dan ze speeln.

Vroeger moest er in redelik vele kaffees begunn zyn met e dubbeln.

Puntn[bewerkn | brontekst bewerken]

  • 180: ’t ogste meugelik me 3 pyls (3x tripel 20)
  • 170: d’ogste uutsmete (2x tripel 20 en e rôo rôze)
  • Nine dart finish: 501 met neegn pyls (mêerder meugelikheedn, oundermêer 3xT20, 3xT20, T20 T19 D12)

Weireld- en Belgische kampioenn[bewerkn | brontekst bewerken]

Joar Weireldkampioen BDO/WDF Weireldkampioen PDC Weireldkampioen BDO (♀) Belgisch Kampioen Belgisch Kampioen (♀)
2019 Glen Durrant (ENG) Michael van Gerwen (NED) Mikuru Suzuki (JAP)
2018 Glen Durrant (ENG) Rob Cross (ENG) Lisa Ashton (ENG) Geert De Vos Carine Dessein
2017 Glen Durrant (ENG) Michael Van Gerwen (NED) Lisa Ashton (ENG) Geert De Vos Patricia De Peuter
2016 Scott Waites (ENG) Gary Anderson (SCH) Trina Gulliver (ENG) Davy Van Baelen Dana Verhaegen
2015 Scott Mitchell (ENG) Gary Anderson (SCH) Lisa Ashton (ENG) Niels Vanbergen
2014 Stephen Bunting (ENG) Michael Van Gerwen (NED) Lisa Ashton (ENG) Mike De Decker
2013 Scott Waites (ENG) Phil Taylor (ENG) Anastasia Dobromyslova (RUS) Cedric Waegemans Carine Dessein
2012 Christian Kist (NED) Adrian Lewis (ENG) Anastasia Dobromyslova (RUS) Thierry Michaux Patricia De Peuter
2011 Martin Adams (ENG) Adrian Lewis (ENG) Trina Gulliver (ENG) Ronny Huybrechts Patricia De Peuter
2010 Martin Adams (ENG) Phil Taylor (ENG) Trina Gulliver (ENG) Ronny Huybrechts Patricia De Peuter
2009 Ted Hankey (ENG) Phil Taylor (ENG) Francisca Hoenselaar (NED) Ronny Huybrechts Carine Paridaens
2008 Mark Webster (WAL) John Part (CAN) Anastasia Dobromyslova (RUS) Patrick Bulen Patricia De Peuter
2007 Martin Adams (ENG) Raymond van Barneveld (NED) Trina Gulliver (ENG) Kim Huybrechts Sandra Pollet
2006 Jelle Klaasen (NED) Phil Taylor (ENG) Trina Gulliver (ENG) Dirk Hespeels Sandra Pollet
2005 Raymond van Barneveld (NED) Phil Taylor (ENG) Trina Gulliver (ENG) Mario Vandenbogaerde Patricia De Peuter
2004 Andy Fordham (ENG) Phil Taylor (ENG) Trina Gulliver (ENG) Dirk Hespeels Bruna Dekeyzer
2003 Raymond van Barneveld (NED) John Part (CAN) Trina Gulliver (ENG) Erik Clarys Patricia De Peuter
2002 Tony David (AUS) Phil Taylor (ENG) Trina Gulliver (ENG) Arnold Paap Vicky Pruim
2001 John Walton (ENG) Phil Taylor (ENG) Trina Gulliver (ENG) Guido Van Uffelen Vicky Pruim
2000 Ted Hankey (ENG) Phil Taylor (ENG) Pascal Rabau Vicky Pruim
1999 Raymond van Barneveld (NED) Phil Taylor (ENG) Erik Clarys Vicky Pruim
1998 Raymond van Barneveld (NED) Phil Taylor (ENG) Erik Clarys Vicky Pruim
1997 Les Wallace (SCH) Phil Taylor (ENG) Erik Clarys Sandra Pollet
1996 Steve Beaton (ENG) Phil Taylor (ENG) Rudi Ladang Sandra Pollet
1995 Richie Burnett (WAL) Dennis Priestley (ENG) Bruno Raes Yvette Stevens
1994 John Part (CAN) Stefan Eeckelaert Rita Lagace
1993 John Lowe (ENG) Rudy Delannoy Maria Vercnocke
1992 Phil Taylor (ENG) Leo Laurens Maria De Block
1991 Dennis Priestley (ENG) Frans Devooght Martine Symons
1990 Phil Taylor (ENG) Leo Laurens Petra Luyten
1989 Jocky Wilson (SCH) Leo Laurens Marina Callebaut
1988 Bob Anderson (ENG) Marcel De Vuyst Vicky Pruim
1987 John Lowe (ENG) Bob Renard Rita Lagace
1986 Eric Bristow (ENG) Freddy Laebens Vicky Blieck
1985 Eric Bristow (ENG) Patrick Vanlerberghe Dorine Decaesstecker
1984 Eric Bristow (ENG) Willy Sonneville Christa Marreel
1983 Keith Deller (ENG) Gustaaf Demeulemeester Danielle Campe
1982 Jocky Wilson (SCH) Dirk Vandereycken Carine Milleville
1981 Eric Bristow (ENG) Luc Marreel Jeanne Carton
1980 Eric Bristow (ENG) Omer Bauwens Nelly Delaere
1979 John Lowe (ENG) Omer Bauwens Caesarine Branckaert
1978 Leighton Rees (WAL) Gustaaf Demeulemeester Florine Bendels

Varia[bewerkn | brontekst bewerken]

  • ’n Latstn Belg die meiedoan et an 't Lakeside weireldkampioenschap, is Erik Clarys (The Sheriff). Deur en accident up zyn werk et 'n zyn arme ebrookn en got 'n nermoal gezien nie mi kunn smytn.
  • Up weireldvlak zyn der twêe boundn: BDO (dan ze toogn up 'n BBC) en PDC (up SkySports).
  • De bestn veugelpyker ôois is Phil Taylor, die 15 kirs 't weireldkampioenschap ewonn et (2 by 'n BDO en 13 byn 'n PDC) en nog indeliks vele aar grôte toernôoin. En het oek ol 9 nine dart finishes die up tilleviezje ekommn zyn, esmeetn.
Wikimedia Commons

Externe koppeliengn[bewerkn | brontekst bewerken]