Vincent Van Quickenborne

Dit artikel es geschreevn in 't Kortryks, en da zou best ozô bluuvn.

Vincent van Quickenborne (°Gent, 1 ogustus 1973) , oftewel 'Q', es ne Kortrykzoan die ipkomt voe de Open Vld.

In Leterme I wos 't ie 'minister voor Ondernemen en Vereenvoudigen'. Ie wilde dat doene ip en pragmoatische maniere, juste lik dat 'n Stoatssecretaris wos: j'oat en lyste van onzinnige administratieve wettn gemakt en ie wildige ze êen vôa êen ofskaffn.

Oloewel dat ie nog redelik jonk es, eit ie toch al veel woaterkes deurzwommn. Je kwam êest ip voe de VU&ID, d'rachter met Spirit om te endign in de VLD, nu Open Vld. In 't begun wos't ie surtout gekend voor zyn stunts (peis moar an de joint histoire in et parlement en et bezoek by Louis Tobback ols lid van de Witte Comités), moa de latste joarn begunt'ie ollik en bitje serieusker over te komn.

J'eit em by de pers nie al te populair gemakt ton dat ie me prins Filip en Mathilde ip andelsreize noa Zuud-Afrika is getrokkn en constant me zynn kop ip de fotto probeerde te g'roakn, onder andre nevenst Nelson Mandela en Desmond Tutu.

Polletieke carrière

Senateur in België (1999 - 2003)
Gemêenteroadslid in Kortryk (2001 - nu)
Stoatssecretoaris van Administratieve Verêenvoudigienge in de Federoale Regerienge Verhofstadt II (2003 - 2007)
Minister van Economie, Innovoatie, Administratieve Verêenvoudigienge, ICT en Telecommunicoatie in de Federoale Regerienge Leterme I, de Regerienge Van Rompuy en de Regerienge Leterme II (2008 - 2011)
Minister van Pensioenn in de Regerienge Di Rupo (2011 - 2012)
Volksverteegnwoordiger (2012 - nu)
Burgemêester van Kortryk (2013 - nu)

Varia

In 2007 eit ie en West-Vlamsche koarte uutgebrocht (voe verkieziengsdrukweirk voo de Federoale parlementsverkiezingn 2007 die dudelik geïnspireerd wos ip de West-Vlamsche wikipedia.

Externe koppeliengn

Ofbeeldiengn die ier by passn ku je vien in de categorie Vincent Van Quickenborne van Wikimedia Commons.