Vlaamse Televisie Maatschappij

Van Wikipedia
Ga naar: Begunplekkn, zoeken
Mercedes-Benz Sprinter va vtm-nieuws in Brussele in 2004e

VTM (Vlaamse Televisie Maatschappij) is e commercieeln televisiezender in Vloandern die is opericht op 1 februoari 1989. Ie makt ounderdêel uut van de Vlaamse Media Maatschappij (VMMa).

Vôorn VTM wos de BRT 'n ênigstn Vlamschn post. Patrick Dewael, toen minister van Cultuur, wilde doa veranderieng in briengn. Van 't moment da televisiereclame toeeloatn wos, koste VTM begunn. De grôte vôortrekkers van de zender woarn Mike Verdrengh en Guido Depraetere. Zyder kwaamn van de BRT en woarn kwoad da ze doa nunder goeste ni kostn doen.

In 't begun woarn veel programma's redelik simpel van opzet, peis moa an Het Rad van Fortuin en De Juiste Prijs. Zelfs de nieuwsuutzendiengn woarn espress e bitje makkeliker emakt dan by de concurrensje. 't Verwyt kwaam ol rap da VTM de menschen dom makte. Moa 't succes wos enorm: eind joarn '90 addn ze e marktandêel van round de 35%.

Mike Verdrengh reageerde in De Standaard (17/11/2000) geprikkeld op de kritiek. E zegt byvôorbeeld me reedn da VTM 'n êestn Vlamschn soap ed ebrocht. Toch is 'n nie blind: e gift toe dat er programma's woarn mè letter kwaliteit. [1]

Enigte joarn èin ze ôok een twa nieuws gemakt, at er e twadde gebeut keuje olsan een filmke of ne foto deure zendn noa 4040 me junne telefung. Zidurr gebrukn da ton in under nieuws ofleveringn of weet 'n azô dat der doa een twa gebeurt is en komn of.

Bronn[bewerkn | brontekst bewerken]

  1. www.destandaard.be, Natuurlijk hebben we programma's ontwikkeld waarbij je je vragen kunt stellen over de kwaliteit, maar ik heb niemand belazerd. En wat de intellectuele elite denkt over De Kotmadam, zal me worst wezen: er kijkt een miljoen mensen naar. - URL bekeekn op 01/05/2007

Externe koppelienge[bewerkn | brontekst bewerken]