Winok
Winok (° tusschn 640 en 650 - † 6 november 717) wos e zeune van keunink Domnoneus Judaël van Bretagne en keuniginne Pritella. En is de patrôon van de meulenoars en van ‘t Frans-Vlamsche Sint-Winoksbergn (in ’t Frans verkort noa Bergues), ’t stadje da noar em vernoemd is.
Winok was êest monnik in Sithiu (’t loatere Sint-Omaars) ounder abt Bertinus, die em loater, in 685, noa Wormhout zound vo doar een nieuwe klôostervestigienge te begunnen. Winok was doa meulenoare en ‘n is doa loater ook begroavn.
In 1024, achter de vernielienge van d'abdye van Wormhout deur de Vikings, liet Boudewyn met den Board een nieuwe Benedictynabdye bouwn in Sint-Winoksbergn. De reliekn van den eilign zyn van Wormhout noa de kerke van Sint-Omaars overgebrocht en loater, os de kalmte weregekêerd was, noa Sint-Winoksbergn.
[bewerkn] Sint-Winokroute
De Sint-Winokroute is een parcours van 40 km die uutgestippeld is vanof Sint-Winoksbergn. D’r zyn doa nog twêe oude toorns te zien van de abdye van Sint-Winok, die binst de Fransche Revolutie bykan hêlegans is verwoest.
