Wulle

Van Wikipedia
Ga naar: Begunplekkn, zoeken
Wulle van e schoap
Breiwulle of sjette in verschillende kleurn

Wulle bestoat uut zochte, dinne hoaren van de pels van sommigte bêesten. Menschen gebruuken wulle (mêestol ofkomstig van schapen) voe klêers, dekens enzovôors. De mêeste wulle wordt geproduceerd in Australië, China en Nieuw-Zeeland.

Wulle verschilt van oar omda 't schubben et, wordeure dat er zoadjes en takstjies in bluuven angen. Dodeure wordt 't vel van 't schaap beschermd tegen beschoadigiengen. E schaap kan tonne ôok zoender schoa deur stekelige begroeiienge lôopen, in tegenstellienge toet byvôorbild e koe.

Sôorten wulle[bewerkn | brontekst bewerken]

  • Scheirwulle is d'oenbeschoadigde wulle, geschooren van een gezoend en levend schaap. Scheirwulle is in e wienkel t'erkennen an 't internationaal wullemerk, dat in mêer of 100 landen wettelikke beschermienge geniet.
  • Blôotwulle of plôotwulle is wulle van een dôod schaap. 't Wordt verkregen deur e chemische behandelienge van de vellen van geslachte schapen.
  • Scheurwulle verwyst noa wullesôorten van mindere kwaliteit, erwonnen uut gedreegn klêers of uut goaren en weefselofvol van de textielindustrie.
  • Kunstwulle is wulle die komt deur 't ergebruuk. 't Is nie rechtstreeks ofkomstig van de bêeste, moar gewoennen uut lompen woar dat er wulle in zit.

Sommigte materioalen en e structeure die an wulle doe peizen, maar zyn gin wulle:

  • Glaswulle
  • Stoalwulle
  • Stêenwulle
Wikimedia Commons