ANZAC Day

Van Wikipedia
Ga naar: Begunplekkn, zoeken

ANZAC Day is e vryen dag met e grôte importensje in Australië en Nieuw-Zêeland. E volt op 25 april. ANZAC is d'ofkortieng vo Australian and New Zealand Army Corps.

Geschiedenisse[bewerkn | brontekst bewerken]

Op 25 april 1915 vochtn d'Australiërs en de Nieuw-Zeelanders teegn de Turkn in 'n Êestn Weireldôorlog, by Gallipoli (Turks: Gelibolu). De Turkn dein mei met de Duutschers. De Geallieerdn wilnde deurebreekn na Constantinopel (da nu Istanbul noemt) en azo Turkeye rap uut 'n ôorlog krygn. Moa 't plan mislukte: in acht moandn tyd goengn d'r 8.000 Australische soldoatn dôod.

Vandoage[bewerkn | brontekst bewerken]

Ouk ol en ze verlôorn, d'Australiërs zyn preus op de soldoatn die by Gallipoli evochtn en. Moar op ANZAC Day peizn ze ouk an ol nunder soldoatn die in d'ôorlogn esneuveld zyn: z'oudn overol te lande 1 of 2 menuutn stilte, ze leggn bloemn by de groavn, en ze speeln 'n Last Post.

Externe koppelienge[bewerkn | brontekst bewerken]

Wikimedia Commons Mêer ofbeeldiengn die ier by passn ku je vien ip Category:Anzac Day ip Wikimedia Commons.
Dat artikel es oorsprounkelik geschreevn in 't Poperiengs.