Arnulf van Karinthië

Van Wikipedia
Ga naar: Begunplekkn, zoeken
Arnulf van Karinthië
ca. 850 - 899
Die deutschen Kaiser Arnulph.jpg
Armoiries Saint-Empire monocéphale.png
Rôomse keizer
Periode 896-899
Betwist deur :
Lambert van Spoleto (896–898)
Vôorganger Lambert van Spoleto
Ipvolger Lodewyk den Blendn
Autograf, Karl den store, Nordisk familjebok.png
Keunienk van Oost-Francië
Periode 887-899
Vôorganger Karel den Dikkn
Ipvolger Lodewyk et Kiend
Keunienk van Lotharingen
Periode 887–895
Vôorganger Karel den Dikkn
Ipvolger Zwentibold
Corona ferrea.png
Keunienk van Italië
Periode 894-899
me Ratold (896)
Betwist deur :
Lambert van Spoleto (896–898)
Berengar van Friuli (896–899)
Vôorganger Berengar van Friuli
Lambert van Spoleto
Ipvolger Berengar van Friuli
Lodewyk den Blendn
Voader Karloman van Beiern
Moeder Liutwindis

Arnulf van Karinthië (ca. 850 - Regensburg, 8 december 899), van ’t geslacht van de Karoliengers, was hertog van Karinthië van 876. Je was keunienk van Oost-Francië en Lotharingen van 887, keunienk van Italië van 894 en Rôomse keizer van 896 tout an zyn dôod.

Je was ’n ounwettige zeune van Karloman van Beiern en zyn concubine Liutwindis, en e klêenzeune van Lodewyk den Duuts.

Je wierd verkoozn in Oost-Francië en Lotharingen vor in de plekke te kommn van zyn nounkel Karel den Dikkn, die ofgezet was in 887.

In 891 kost ’n de Vikings versloan in de Slag by Leuven an de riviere de Dyle.

In 889 haad ’n ip de Ryksdag in Forchheim gevroagd vo zyn bastoardzeune Zwentibold t’erkenn ols ipvolger. Ze woarn akkôord ip vôorwoarde da de regelienge angepast zou wordn ot ’n nog e wettige zeune zou krygn.

Arnulf was in 888 getrouwd mè de Konradynsche Oda, dochter van groaf Berengar van Hessengouwe. In 893 wierd er eindelyk e wettelykn erfipvolger geboorn: Lodewyk IV van Oost-Francië, bygenoamd et Kiend.

In 895 zette Arnulf Zwentibold toch ip de trône, moar ollêne ols keunienk van Lotharingen.

Keunienk van Italië en Rôomse keizer[bewerkn | brontekst bewerken]

Achter den dôod van Karel den Dikkn in 888 vertrokt ie noar Italië vo doa de keuniengstitel van Berengar van Friuli te betwistn, mo Berengar most zyn titel ofstoan an hertog Guido van Spoleto. Achter Guido zyn dôod in 894 bezette Arnulf Nôord-Italië, mo je kost et in 895 were nie hoaln van Berengar en Guido zyn zeune Lambert van Spoleto.

Lambert wierd ofgezet in 896 en Arnulf liet zyn eign in Pavia erkenn tout keunienk van Italië. Doar achter vertrokt ie no Rome, woa da paus Formosus hem ip 22 februoari 896 krôonde tout keizer. Die kronienge wierd in 898 deur paus Johannes IX oungeldig verkloard. ’t Joar derip stierf Arnulf.

Vrouwe en jounges[bewerkn | brontekst bewerken]

Arnulf was in 888 getrouwd mè de Konradynsche Oda, dochter van groaf Berengar van Hessengouwe. Z’haan êen zeune:

J’haad ook nog minstns vier ounwettige jounges:

  • Glismut
  • Zwentibold, keunienk van Lotharingen
  • Ratold
  • Ellinrat

Arnulf stierf in 899 en j’is begroavn in d’abdye Sankt Emmeram in Regensburg.

Je wierd ipgevolgd in Oost-Francië deur zyn wettige zeune Lodewyk et Kiend, die doa de latste Karoliengische keunienk was. Zyn ounwettige zeune Zwentibold blêef nog e joar regeern in Lotharingen, tout dat ’n stierf in 900.