Bergn (Nôorweegn)

Van Wikipedia
Ga naar: Begunplekkn, zoeken
Bryggen
D'haavn
Steile stratjies in den oude stad
Een platselike traditie: het buekorps

Bergn is een stad in de Nôorse provincie van Hordaland en achter Oslo de grotste stad van Nôorweegn, met omtrent 250.000 inweuners. Bergen wordt ook wel de stad tussn de zeevn bergn genoemd. Vanup êen van de bergn, Fløyen, woada je noatoe ku goan met de kabeltring, hè je een goed uutzicht over de stad.

Bryggen, 't middelêeuwse center van Bergn, ligt an de Vågenboaie, en stoa nu up den UNESCO weirelderfgoedlyste. Der zyn veel museums in Bergn, woavan dat de bekendsten 't oud huus van Edvard Grieg (Edvard Grieg Museum Troldhaugen) is.

De stad is een populair beginpunt vo toeriestn die de Nôorse fjordn, bergn en gletsjers willn zien. De stad is 't zudelike begin en ende van de Hurtigruten, een scheepsroute vo goederen en passagiers langs de Nôorse westkust.

De stad hèt een universiteit woavan da 't Zêeounderzoeksinstituut internationoal bekend is.

Geschiedenisse[bewerkn | brontekst bewerken]

Bergn wierd round 1070 gesticht deur de Nôorse keunienk Olaf III. Toet an 1299 was het ook den hoofdstad van Nôorweegn. Tegen 't ende van de 13e êeuwe was Bergn êen van de belangrykste steedn van de Hanzekoopmansgilde.


Culteure[bewerkn | brontekst bewerken]

Bergn is de gebôortestad van de beroemde componist Edvard Grieg en de Deens-Nôorse schryver Ludvig Holberg. 't Filharmonisch orkest van Bergn is in 1756 upgericht en is êen van d' oudste orkestn in de weireld. Ieder joar wordt een grôot culturêel festival g'houdn, de Festspillene. Ieder joar wordt der ôok de Grieg International Choir Festival in de stad g'houdn.

In 1986 was Bergn de gaststad vô 't Eurovisie Songfestival. In 1991 wierd in de stad 't Universêel Esperantocongres g'houdn. In 2000 was Bergn de culturêle hoofdstad van Europa.

Vervoer[bewerkn | brontekst bewerken]

Bergn hèt een internationoale luchthaavn (Flesland). De Bergensbanen, de spôorweg tussn Bergn en Oslo, is den hôogsten spôorweg in Europa. Je goat over de Hardangervidda-hoogvlakte toet een hoogte van mêer dan 1200 meter boovn de zêe. Der zyn ferries noa Hanstholm en Hirtshals in Denemarkn, noa Tórshavn up de Faeröer en noa Seyðisfjörður in Ysland. Der was ôok een ferry noa Newcastle in 't Verênigd Keunienkryk, moa dien dienst is gestopt in augustus 2008.

Klimoat[bewerkn | brontekst bewerken]

Bergn ligt an de westkust van Nôorweegn en kryg veel reegn (gemiddeld 2250 mm per joar). De stad viert joarliks in oktober 't Reegnfestival, met een reegnjas- en parapluparade.

Bryggen in Noorweegn
Wikimedia Commons