Verênigd Keunienkryk

Van Wikipedia
Ga naar: Begunplekkn, zoeken
Verenigd Keunienkryk

't Verênigd Keunienkryk, vuluut: 't Verênigd Keunienkryk van Grôot-Brittannië en Nôord-Ierland (Ingels: United Kingdom, ofgekort tot UK), is e land in West-Europa dat ip eilandn tusschn de Nôordzee en d'Atlantischn Oceoan ligt. Den hôofdstad van 't Verênigd Keuninkryk es Londn. Andere grôte steedn zyn Birmingham (centroal geleegn), Manchester en Liverpool (middn-Westn). De ôofdstad van Schotland es Edinburgh, van Wales Cardiff en van Nôord-Ierland Belfast. Der weunn oungeveer 60 miljoen minsn in de UK.

Geschiedenisse[bewerkn | brontekst bewerken]

Polletiek[bewerkn | brontekst bewerken]

't Verênigd Keuninkryk es een constitutionele monarchie. Ip et moment es 't er een keuniginne an de macht: Queen Elizabeth II. De leidienge es in handn van een êeste minister die regeert in noame van de keuniginne. Nu es da David Cameron. De êeste minister stoat an 't ôofd van de regeringe, die gecontroleerd weird deur een parlement en een senoat, die verkoozn weirdn deur de bevolkienge. Traditioneel, en ôok een bitje als gevolg van het kiessysteim in de UK, zyn der twêe belangryke polletieke partien: de Conservatievn en de Labour Party (oeze Socialistn). De latste joarn es der een nieuwe partie ipgekoomn: de Liberal Democrats, die me in de links-liberoaln oek moetn situeern. D'r zyn ôok nog wa klindere partien, gelik de uterst rechtse National Party. The UK makt dêel uut van de Europese Unie, moar es gekend voo êen van de grôotste critici van die instellienge: zôo es 't Verênigd Keuninkryk êen van de winnige landn die den Euro nie ingevoerd eit.

Economie[bewerkn | brontekst bewerken]

't Verênigd Keuninkryk es êen van de belangrykste economische machtn in de weireld, en ôort by de G8. Kwa economisch model zittn ze ievers tussn de Verênigde Stoatn en de Europese landn in. Z'ein de Britse Pond g'oudn als munte, in tegenstellienge tot de reste van de Europese Unie.

Geografie[bewerkn | brontekst bewerken]

De streekn van 't Verêenigd Keuninkryk

't Verênigd Keunienkryk ligt ip een eilandngroep. 't Land bestoat in 't Zuudôostn vôorol uut golvende euvelachtige landschappn, en mêer noar et Nôordn toe ei je bergachtige streekn me bergn tot round de 1000 meiters (the Lake District). Wales en Schotland ein ôgere toppn: in Schotland zyn de highlands bekend (me toppn tot 1344 meiters) , binst da Wales over de hêle lyne bergachtig es.

Cultuur[bewerkn | brontekst bewerken]

Et land eit oltyd nen grôotn invloed g'ed ip de culture van et Westn, êest als grôotmacht, en loater als gevolg van't feit da Amerika nen directn ofstammeling es van et land. Zôo es de toale van et land, et Ingels, de weireldtoale by uutstek. In olle internationoale contactn (in de weetnschap, de luchtvoart, de internationoale instelliengn,...) es het Ingels de voertoale.

De Angelsaksische invloed es ôok uutgesprookn in de populaire cultuur: de edendoagsen invloed in film, muziek, literatuur en kunst es ounteegnsprekelik. Toch es de invloed van 't Verênigd Keunienkryk toanende, en sommigte zien in de bemoeienissn van 't land in zoakn gelik het internationoale terrorisme (met ols belangrykste punt de steun an de Verênigde Stoatn by de bezettienge va Irak) een sôorte drang noar het (glorieuze) verleedn.

Wikimedia Commons
{{{ofb_links}}} Europese Unie (EU) {{{ofb_rechts}}} {{{ofb_groot}}}
Vlagge van België België | Vlagge van Bulgareye Bulgareye | Vlagge van Cyprus Cyprus | Vlagge van Denemarkn Denemarkn | Vlagge van Duutsland Duutsland | Vlagge van Estland Estland | Vlagge van Finland Finland | Vlagge van Grieknland Grieknland | Vlagge van Holland Holland | Vlagge van Hongareye Hongareye | Vlagge van Ierland Ierland | Vlagge van Itoalië Itoalië | Vlagge van Kroatië Kroatië | Vlagge van Letland Letland | Vlagge van Litouwn Litouwn | Vlagge van Luxemburg Luxemburg | Vlagge van Malta Malta | Vlagge van Ôostnryk Ôostnryk | Vlagge van Pooln Pooln | Vlagge van Portugal Portugal | Vlagge van Roemenië Roemenië | Vlagge van Slovakeye Slovakeye | Vlagge van Slovenië Slovenië | Vlagge van Spanje Spanje | Vlagge van Tsjechië Tsjechië | Vlagge van 't Verênigd Keunienkryk Verênigd Keunienkryk | Vlagge van Vrankryk Vrankryk | Vlagge van Zweedn Zweedn
Kandidoat-lidstoatn: Vlagge van Macedonië Macedonië | Vlagge van Montenegro Montenegro | Vlagge van Servië Servië | Vlagge van Turkeye Turkeye | Vlagge van Ysland Ysland