Broekburgvoart

Van Wikipedia
Ga naar: Begunplekkn, zoeken
De Broekburgvoart by Koppenaksvoorde

De Broekburgvoart (Frans: Canal de Bourbourg) es en kanal in Vrankryk in't Noorderdepartement van 19,5 kilomèiters lank. 't Es en ounderdêel van't strôomgebied van de riviere de Aa. 't Kanal es gegroavn 't end de zeevntiende êeuwe in ipdracht van Louis XIV, me als Vauban als ingenieur.

De Broekburgvoart verbindt de Aa an de westkant van't stadje Broekburg me de binn'nhoavns van Duunkerke. 't Passeert deur Kroaiwyk en de zuudkant van Groot-Sintn en lôopt vodder tusschn de gemêentn Kleen-Sintn en Kapelle en endigt in't verbindingskanal in de binn'nhoavns van Duunkerke, woada't kanal tegoare komt me de Hoavndyk, 't Kanoal Nieuwpôort-Duunkerke en 't Kanoal van de Moern.

Juuste achter Kroaiwyk start er e vertakkienge die richtienge Mardyk en de Duunkerksche hoavnbassin lôopt, 't Ofvoerkanoal van Mardyk. By 't gehuchtje Koppenaksvoorde (da by de gemêente Broekkerke ôort) strôomt 't Ofvoerkanoal van de Kolme in de Broekburgvoart. Ezo makt 't Ofvoerkanoal van de Kolme de verbiendienge tusschn de Broekburgvoart en 't Kanoal van de ôoge Kolme.