Kanoal Nieuwpôort-Duunkerke

Van Wikipedia
Ga naar: Begunplekkn, zoeken
't Kanoal Nieuwpôort-Duunkerke ip de koarte van België
't Kanoal Nieuwpôort-Duunkerke by de Veurnesluuze in Nieuwpôort

't Kanoal Nieuwpôort-Duunkerke (Frans: Canal de Furnes ofte Canal Nieuport-Dunkerque) es en kanal da lôopt deur West-Vloandern en 't Noorderdepartement in Vrankryk. 't Verbindt 't kuststadje Nieuwpôort me de binn'nhoavns van Duunkerke. 't Kanal vormt eignlyk e verlengienge van 't Kanoal Plassndoale-Nieuwpôort en lôopt bikkans hillegansn parallelle me de kustlynne, ip apeupri twêe tout vier kilomèiters van de zêe. 't Kanoal Nieuwpôort-Duunkerke strôomt apeupri 19 kilomèiters ip West-Vlamsch groundgebied en 13 kilomèiters ip Fransch groundgebied.

't Kanoal Nieuwpôort-Duunkerke begunt an't sluuzekomplex by de moundienge van den Yzer by Nieuwpôort, de Ganzepôot. 't Kanoal loopt êest round 't oude stadscenter van Nieuwpôort en strôomt vodder na 't ôostn, veurby Wulpn (e dêelgemêente van Koksyde). Derachtr buugt et efkes innewoarts of na Veurne, woada't en ansluutienge et ip de Lo-voart. 't Kanoal lôopt ton vodder round Veurne, en buugt ton were na de kustlynne toe, langsn Adiengkerke. Ton lôopt et kanal oovr De Schreve vodder in Vrankryk, langsn Bray-Duunn en Zuudkote. 't Endigt in Duunkerke in't verbindiengskanal in de binn'nhoavns, woada't kanal tegoare komt me de Broekburgvoart, de Hoavndyk en 't Kanoal van de Moern, en ezo kundje ôok were na de zêe voarn.