David Dehenauw
David Dehenauw (°Brugge, 10 december 1970) is e West-Vlamsche weetnschapper die voorol gekend is als weerman ip VTM.
J'is ipgegroeid in Blanknberge.
Achter ze studies werkte tje by de VUB in Brussel. Doarachter gieng 'n noa 't Keunienklik Meteorologisch Instituut (KMI). David Dehenauw is by 't grôte publiek bekend omdat 'n 't weerbericht ip VTM (sedert januoari 2003) en dadde van Radio 2 presenteert.
Z'n grôte vôorbeeld is Armand Pien.
David Dehenauw heit e hêle reke diploms:
- Burgerlik Scheikundig Ingenieur, VUB, juli '93
- Burgerlik Materioalkundig Ingenieur, VUB, september '94
- Ingenieur in de Veiligheidstechniek, Niveau I, VUB, september '95
- Getuugschrift Onderwysprofessionalisering, VUB, september '96
- Getuugschrift Marien Meteoroloog, KNMI, moarte 2001
- Doctor in de Ingenieursweetnschapp'n, VUB, november '06