Euro

Van Wikipedia
Ga naar: Begunplekkn, zoeken
Euro symbol.svg
██ Eurozone (18) ██ ERM II-leedn (2) ██ EU-leedn die gin lid zyn van ERM II (8) ██ Gin EU-leedn die wel den euro gebruukn (2)
Bankbrieftjes en klutters van den euro

Den euro (symbool: €, ISO-code: EUR) is de munte van d' Europeesche Economische en Monetaire Unie en wordt gebruukt deur achttien lidstoatn van d' Europeesche Unie die d' Eurozone vormn:

  1. België
  2. Cyprus
  3. Duutsland
  4. Estland
  5. Finland
  6. Grieknland
  7. Holland
  8. Ierland
  9. Italië
  10. Letland
  11. Luxemburg
  12. Malta
  13. Ôostnryk
  14. Portugal
  15. Slovakeye
  16. Slovenië
  17. Spanje
  18. Vrankryk

In 1992 wierd er in Maastricht beslist van den euro in te voern. De weirde van 1 euro zou gelykig zyn an 1 ECU (European Currency Unit). Vanof 1 januoari 1999 wierdn de koersn van andêeln en obligoasjes ip de beurze in euro weregegeevn. De bankbrieftjes en klutters kwoamn den 1ste januoari 2002 in circuloasje in 12 landn van d' Europeesche Unie, ook in Monaco, San Marino en Vaticoanstad. 't Was de grotste omwisseliengsoperoasje aller tydn.

Euromuntn en bankbrieftjes[bewerkn | brontekst bewerken]

Den euro is ounderverdêeld in 100 cent.

Der zyn euromuntn in acht verschillige weirdn: 1, 2, 5, 10, 20 en 50 cent, en €1 en €2. Êen kant van iedere munte, de gemêenschappelikke kant, is vor al de landn gelykig en is ountworpn deur Luc Luycx van de Koninklijke Munt van België. De weirde stoat er ip met e koarte van Europa ip den achterground. Den andere kant, de nationale kant, toogt e thema die specifiek is vor ieder ofzounderlik land, me 12 sterr'n van d' Europeesche Unie der round.

Der zyn zeevn bankbrieftjes: €5, €10, €20, €50, €100, €200 en €500 die ountworpn zyn deur den Ôostnryker Robert Kalina. Ieder brieftje verschilt in ofmetienge en in kleur en is gewyd an en artistieke periode van d' Europeesche architecteure. Ip de vôorkant stoan veisters en pôortn die de gêest van oopnheid en soamnwerkienge in Europa symboliseern. Ip den achterkant stoan brugg'n die symbool stoan vo de communicoasje tusschn de menschn in Europa en tusschn Europa en de reste van de weireld.

Weirde Joar van uutgifte Kleur Lengte (mm) Bridte (mm) Vôorkant Achterkant Ountwerp
€ 5 2002 Grysblauw 120 62 EUR 5 obverse (2002 issue).jpg EUR 5 reverse (2002 issue).jpg Klassiek
€ 5 2013 Olyfgroen 120 62 5 EUR obverse (2013 issue).jpg 5 EUR reverse (2013 issue).jpg Klassiek
€ 10 2002 Zalmroze 127 67 EUR 10 obverse (2002 issue).jpg EUR 10 reverse (2002 issue).jpg Romoans
€ 20 2002 Blauw 133 72 EUR 20 obverse (2002 issue).jpg EUR 20 reverse (2002 issue).jpg Gotisch
€ 50 2002 Oranje 140 77 EUR 50 obverse (2002 issue).jpg EUR 50 reverse (2002 issue).jpg Renaissance
€ 100 2002 Groen 147 82 EUR 100 obverse (2002 issue).jpg EUR 100 reverse (2002 issue).jpg Barok & Rococo
€ 200 2002 Geel 153 82 EUR 200 obverse (2002 issue).jpg EUR 200 reverse (2002 issue).jpg Yzer & Glas
€ 500 2002 Purper 160 82 EUR 500 obverse (2002 issue).jpg EUR 500 reverse (2002 issue).jpg Modern

Externe koppelienge[bewerkn | brontekst bewerken]

Wikimedia Commons