Friesland
Uit Wikipedia
Friesland (officieel: Fryslân) is e provincie in ‘t nôordn van Holland met e goeie 644.000 inweuners. D’ hoofdstad is Leeuwarden (Fries: Ljouwert). D’officiële toaln zyn Nederlands en Fries.
Inoud |
[bewerkn] Geografie
In ‘t ôostn wordt Friesland begrensd deur Groningen en Drenthe, in ‘t zuudn deur de provincies Overyssel en Flevoland, in ‘t zuudwestn deur ‘t Ysselmeer, en in ‘t westn en ‘t nôordn deur de Waddnzêe (buutn de Waddneilandn deur de Nôordzêe). Friesland is verboundn met de provincie Nôord-Holland deur den Ofsluutdyk.
De Waddneilandn Vlieland, Terschelling, Ameland en Schiermonnikoog moakn dêel uut van de provincie. Ze zyn met een overzetbôot te bereikn vanof ‘t vasteland.
Qua totoale ippervlakte, dus inclusief woaterippervlakte, is Friesland de grotste provincie en achter Drenthe de minst bevolkte provincie van Holland (192 inweuners per km²).
Friesland telt 31 gemêentes.
[bewerkn] Noame
[bewerkn] Fryslân
Den 1stn januoari 1997 is d’officiële noame van de provincie veranderd van 'Friesland' noa 'Fryslân'. In de reste van Holland wordt wel assan de Nederlandstoalige noame Friesland gebruukt.
[bewerkn] Heitelân
It Heitelân (’t voaderland) is vo Friezn e veel gebruukte term vo de provincie Friesland an te duudn. Nationalistisch ingestelde Friezn gebruukn vele da woord.
[bewerkn] Geschiedenisse
De geschiedenisse van Friesland is de geschiedenisse van ‘t kustgebied van Holland lik da ’t nu is, vanof ‘t Zwin an de Belgische grenze tout an de riviere Wezer in Duutsland.
[bewerkn] Toale
De toaln die ‘t mêest geklapt wordn in de provincie zyn ‘t Nederlands en ‘t Fries (Frysk of Westerlauwers Fries). ‘t Fries bezit de stoatus van minderheidstoale en is tegoare me Nederlands erkend als officiële landstoale.
Buutn ‘t Standoardfries zyn d’r ook e dêel dialectn. In vele Friesche steedn wordt Stadsfries geklapt, e Nederlands dialect me sterke Friesche invloedn.
[bewerkn] Friesche elf steedn
De Friesche elf steedn zyn elf plekkn in de provincie Friesland, die stadsrechtn gekreegn hen en woa dat de schatsmarathon Elfsteedntocht nor is vernoemd. D’elf steedn zyn allemolle beschermd stadsgezicht.
[bewerkn] Grotste plekkn
De tien grotste plekkn in de provincie noa ‘t antal inweuners (1 januoari 2007) zyn:
- Leeuwarden (Fries: Ljouwert)
- Drachten
- Sneek (Snits)
- Heerenveen (It Hearrenfean)
- Joure (De Jouwer)
- Harlingen (Harns)
- Franeker (Frjentsjer)
- Dokkum
- Wolvega (Wolvegea)
- Lemmer (De Lemmer)
[bewerkn] Externe koppelienge
 |
Mêer ofbeeldiengn die ier by passn ku je vien in de categorie Friesland van Wikimedia Commons. |
