JIM

Van Wikipedia
Ga naar: Begunplekkn, zoeken

JIM (vroeger JIMtv) is ne muzik en joungernzender van de VMMa en is ipgericht gewist ip 2 april 2001 lik JIMtv. In d'êeste uutzendingn kwamn ol de mensn hunder vôorsteln die vo de zendre werktn.

'n Dag van vandoage noemt de zendre geweun JIM. Want vroeger han ze nog et gedacht vo nog ne radiozender te moakn mè noame JIMfm. Dat hèit ton nie deure gegoan en ton kwam Q-music uut de busse. JIM stound vroeger vo Jounk, Interactif en Mêer.

Momentêel zyn de bekende gezichtn by JIM: Leki, Regi en Tiany Kiriloff. Ze dien ip de zendre vôoral lik VJ's. VJ stoat vo video jocky, deen die videoclips an mekoar klapt.

In oktober 2009 èit JIM tegoare me Q-music zyn eign hitliste gemakt, de TOP 40 Hitlist, woa dan ze de 40 mêest populaire en gedroaide liedjes verzoameln en rangschikn. Ze speeln de liste of ip JIM de vridag - en zundag achternoene en ip Q-music de zoaterdag-achternoene. De zender is ôok nog van plan vo een liste te moakn met de populairste clips van 't moment. De hitliste is intussn ol utgebreid met een belgische liste, een liste vo Dance-muzik, êne vo urban muzik (mêer amerikoanse muziek), een tiplist (de verwachte stijgers), een alternative liste (vo groepn die ni bie 't grôte publiek gekend zyn) en een archif. De hitlist kan compleet online groates belusterd wêrn.

Programma's[bewerkn | brontekst bewerken]

De zender makt nie zovee programma's mo hier wêrn de vôornoamste vernoemd:

  • Chasing Spielberg: jounge Vlamse regisseurs die probeern Spielberg t'ontmoetn en te kunn interviewn. Z'hèin vertrokkn noa Hollywood en by vee grôte sterrn hunder villa's angeklapt en hunder kartje ofgegeevn
  • Festavalitis: olles over festivals, ollêen getôond en gemakt in de zomre
  • Gamepower: programma over de nieuwste computer/console spellekes
  • JIM Kot Deluxe: programma vo studentn die een kot willn winn mè vee luxe woa dan ze een joar meugn inweunn. In et programma moen ze radsels iplossn in de stad van et kot, uuteindelyk meugn der drie in van de vele kanidoatn. 't Êeste sezoen was in Leuvn, ze goan ôok nog e twidde moakn in Antwerpn
  • Moviesnackx: olles over Hollywood, de nieuwste films, ôok soms zelfgemakte interviews me d'acteurs
  • Regi's world: Reality soap over Regi Penxten en zyne muzikgroep Milk Inc.
  • Uninvited: twêe jounge kèirels (uut Beerse, provincie Antwerpn) die ip groate fêtn, fuivn en evenementn onuutgenodigd binnroakn deur dan ze gespecialiseerd zyn in 't moakn van valse badges en valse polsbandjes. Z'hèin oal nefest een poar groate internationoale sterrn gestoan lik Paris Hilton, George Clooney en de keunink van Monaco. Mè verborgn camera moakn ze ton bewys.
  • We like to party: programma woa dan ze joungern vroagn vo iets doms te doen of vele te drinkn zoda z'ip tv meugn kommn en ne belachlike prys krygn. 't Wêr gemakt ip groate joungernfuivn of in striptease bars. 't Hèit oal veel commentoar ip da programma gewist omdat et anzet tot openboar drounknschap en dan ze bloate borstn en oal tôon, bistn dat er round d'eure van 't uutzendn of 't herhoaln nog veel klêne kinders noa tv kykn.

Buutnlandse programma's[bewerkn | brontekst bewerken]

Ze zendn ôok nog wel wa buutnlandse programma's uut gelyk:

  • Family Guy: soartgelyk programma as The Simpsons
  • Shockproof: programma over gevoarlikre sportn
  • The Girls of the Playboy Mansion: reality soap over de meiskes die weundn by de boas en iprichter van Playboy, Hugh Hefner

Verder droain ze mêestal over dag hitbox of live request woa dan ze vrêe populaire nummers van vroeger en nu droainn, of woa da je êen liedje (mè clip) kunn anvroagn.

Externe koppelienge[bewerkn | brontekst bewerken]

De site met de hitlist