Johny Vansevenant

Uit Wikipedia

Johny Vansevenant (Roeseloare, 13 juli 1958) is een Westvlamschn VRT-journalist, die nu in Gent weunt.

Je studeerdege Germoansche toaln an den universiteit van Gent. Achter z’n legerdienst in 1980 dêed ’n verschillige interims in ’t middelboar ounderwys. Vanof 1984 gaft ’n Nederlandsche lesse an Franstoalige ambtenoarn in Brussel. Je combineerdege ’t ounderwys me reportagewerk by de gewestelike radio-omroep West-Vloandern. In januoari 1988 gingt ’n werkn by de radionieuwsdienst.

Sedert 1990 volgt ’n de Belgische politiek vo de VRT en je werkt nu ôok by de televisie ols interviewer in De Zevende Dag.

Johny Vansevenant is ossan bezeetn gewist van de velokoers uut de joarn '60 en '70 en je wos surtout fan van Eddy Merckx. Je wos gefascineerd deur de wielerverslaggevinge van Jan Wauters en Marc Stassijns.

T’ope me Patrick Cornillie van ’t Nationaal Wielermuseum in Roeseloare et ’n een boek geschreven: De mannen achter Merckx, woarin dat er een hêel dêel ploegmoats vertelln over Merckx ols coureur én ols mens, met 500 unieke foto’s.