Karel ende Elegast

Van Wikipedia
Ga naar: Begunplekkn, zoeken

Karel ende Elegast is e veraal i verzn over ridders en Karel de Grote. 't Is eschreevn roend 1250 deur etwien uut Brabant. De stôrie is êen va de lettere Middelnederlansche romangs woavan da de hêle tekste nog bestoat.

De stôrie[bewerkn | brontekst bewerken]

Karel de Grote krygt e visioen met een iengel. Dien iengel zegt dat 'n moe goan tsjoepn. Achter e ment luustert Karel en e goat 't bus in. Op ze peird peist Karel a vanolles. Oender ander an Elegast: dat wos e goein ridder die zwoar estraft wos (z'en nem verbann) voer e klênigied. Op e zeker moment komt Karel e zwortn ridder teegn en 't komt toet e duel. De zwortn ridder - die eigentlik Elegast is - verliest. Karel duft nie zeggn wie dat 'n is en e zegt dat 'n Adelbrecht noemt.

Adelbrecht vroagt an Elegast om by 'n keunienk (by ze zelven dus) te goan tsjoepn. Elegast wilt nie: en is nog ossan moat mi 'n keunienk, 't bewys dat Elegast e goein ridder is. Elegast stelt vôorn om in te breekn by Eggeric, de stoete schôonbroere va Karel. Azô ezeid, azô edoan. Elegast rakt toet in 'n koamer van Eggeric e ze vrouwe (die de zuster is va Karel). Doar ôort Elegast da Eggeric 'n keunienk wil vermôorn. Ze vrouwe protesteert en Eggeric sloa neur e bloeneuze. Elegast, die oender 't bedde legt, vangt da bloed op in zyn anschoe.

Elegast goa were na buutn e vertelt olles an Adelbrecht. Adelbrecht zegt dat 'n olles goa vertellen a Karel de Grote. E dag loater, op 'n ofdag, is olleman tope op 't kastêel va Karel. Karel zegt dat Eggeric e verroader is. Elegast meugt getuugn en e toogt d'anschoe mi bloed.

Eggeric komt kwoad en e zegt tegen Elegast da z'er vôorn goa vichtn. Elegast wint. En 't veraal krygt e schôon ende: 'n verroader is dôod, 'n keunienk is ered, en Elegast meugt trouwn mi de weeuwe van Eggeric.

E fragment[bewerkn | brontekst bewerken]

In dit stiksje legt Elegast oender 't bedde van Eggeric. Eggeric verklapt an ze vrouwe wuk dat 'n va zinne is. Dedie is kwoad en Eggeric sloat neur e bloeneuze.

Elegast hi treckede voort
Ende croper liselike toe.
In sinen rechten hantscoe
Ontfinc hi dbloet van der vrouwen,
Omdat hijt wilde laten scouwen
Diet den coninc te voren brochte;
Dat hijs hem verwachten mochte.

Externe koppeliengn[bewerkn | brontekst bewerken]


Dat artikel es oorsprounkelik geschreevn in 't Poperiengs.


Vraye historie ende al waer Maghic u tellen. Hoerter naer! Het was op ene avontstonde, Dat Karel slapen begonde