Koenraad Goudeseune

Van Wikipedia
Koenraad Goudeseune leest vôore ut zyn eig'n werk (2017)

Koenraad Goudeseune (Yper, 23 februoari 1965 - Gent, 9 december 2020) wos e West-Vlamschn dichter en prozaschryver.

Leevn[bewerkn | brontekst bewerken]

Goudeseune et hêel ze jounk leevn in Boezienge ewund, mo 't wos dudelik dat 'n gin kiend van de Westoek wos. E kuste nie teegn de zogezeide platte, banoale en klêenburgerlikke menschn van olier.

Achter ze joarn in 't College van Yper, gienk 'n vors gon lêern in Gent en ne blêef doar angn. E schrêef gedichtn, woavan dan der êentige in Dietsche Warande & Belfort en 't Nieuw Wereldtijdschrift epubliceerd graktn.

In 1993 brocht 'n zyn êeste echte boek uut: Vuile Was, e veroalnbundel over ze jounk leevn in Boezienge en omstreekn. 't Is e boek vul me veroaln over oe triestig dan de menschn uut ze gebortestreke wel nie woarn, ol stoan der ouk wel diengn in over ze matjes, woa dat 'n goed mei overêen kwam. 't Boek is dêels autobiogroafisch, mor ouk dêels uutevounn en Goudeseune is nie benauwd voun e sarcastische tône.

Oloewel da Vuile Was goeie recensches krêeg, is Goudeseune nôois echt deurebrookn. E Voun ze gedichtnbundel Zen uit eigen werk is 'n wel enomineerd erocht voun de Jo Peters Poëzieprijs van 2006 en uut dienn bundel is 't gedicht Ieper ekoozn voun Gedichtendaggedicht.

Goudeseune krêeg kanker in 2020, en e wiste niet of dat'n nog gounk geneezn. Doarom koos'tn vo euthanasie.

Bibliografie[bewerkn | brontekst bewerken]

  • 1993 - Vuile Was (veroaln, Atlas)
  • 1998 - Dat zij mij leest (gedichtn, Atlas)
  • 1999 - Onuitsprekelijk is wat wij over de liefde zeggen (brievn, Atlas)
  • 2000 - Al mijn risico’s zitten onder het stof (brievn, Atlas)
  • 2005 - Zen uit eigen werk (gedichtn, Atlas)
  • 2006 - Het boek is beter dan de vrouw (brievn, Atlas)
  • 2014 - Het probleem met mensen die naar zee gaan (gedichtn, Leesmagazijn)
  • 2016 - Vet hart (gedichtn, Bokeh)

Externe koppelienge[bewerkn | brontekst bewerken]

Wikimedia Commons