Kortrijk Xpo
- Dit artikel es geschreevn in 't Kortryks, en da zou best ozô bluuvn.
Kortrijk Xpo, of korter gezei, den Xpo, es 't allncomplex ip 't Ôoge in Kortryk. Vroeger wos't gekend als D'Alln, moar in 1999 es 't veranderd van noame.
Het complex
[bewerkn | brontekst bewerken]Kortryk Xpo bestoat uit 6 grôte alln en 2 tussnalln: Rambla 1 en 2. Vôorn d'alln vind je nog een congres en seminoariezoale, Gruzenberg. In totoal es 't er 37.200m² expositieruumte. D'alln liggn an de E17 (ofrit 2) en an 't Ei van Kortryk.
Geschiedenisse
[bewerkn | brontekst bewerken]D'Alln zyn in 1966 gebouwd en in 1967 es de êeste alle goopnd. Doarnoa es 't er geregeld een nieuwe zoale biegekoomn. In 2005 ein ze de oude alle viere gedêeltelik ofgebrookn en vervangn deur een grôtere zoale. Nu liggn D'Alln in een grôter domin woar da je wok de Kinepolis vindt.
Belangrykste evenementn
[bewerkn | brontekst bewerken]Der zyn veel beurzn en evenement'n in de Alln, sommige zyn de belangrykste in uddern sector. Een klêne greep ut et anbod:
- Matexpo: professionele beurze rond machinn voo de bouw, industrie en milieu: begun september
- Wij trouwen: Trouwbeurze: eind januoari
- Busworld: Europese beurze rond otobuuzn: middn oktober (georganiseerd door Luc Glorieux)
- Classic: Internationoale biënnale voo antik, eedndoagse kunst en lyfestyle: begun november
- Eurodogshow: Internationoale beurze rond rasondn: middn november
- Indoor Pretpark: rond de joarwisselienge