E17

Van Wikipedia
Ga naar: Begunplekkn, zoeken

De E17 is een autostrade die over 't West-Vlams groundgebied lôopt. In België volt ie soamn met de A14. De 'E' noame komt van de Europese maniere van noamgevienge voor internationoale autostrades. Vroeger noemde ie E3, moar in 1986 ein ze de noame veranderd. Z'ein em begunn anleggn in 1966, en opengesteld in 1974.

De E17 es een belangryke verkêersoader, omdat ie de oavn van Antwerpn verbindt met Vrankryk. 't Es belangryk vô de vele West-Vlamiengen uut 't zuudn van de provincie die in Gent weirkn. 't Es ôok een geliefde weug vôor drugstoerisme uut Vrankryk noar Olland.

Omda de E17 de rapste maniere is om van Olland en de Scandinoavische landn in 't zuudn te groakn passeren er nie allêne vrêed veel camiongs, moar ôok veel Ollandse toeristn met caravans die zôdoanig overloadn zyn da uldern beuk sleept.

Soms gebeurn der zwoare accidentn, moar de zwoarste was zounder ênige twyfel dedé in Kruisoutem ip 27 februoari 1996, toen da een 200-tal auto's in de smôor ip elkoar gebotst ein. Der zyn ton tien dôodn gevolln en ieder joar es't er nog een specioale actie van de politie om 't verkêer te controleren ip overdreevn sneleid ter 'noagedachtenisse' van da oungeluk.

Traject in West-Vloandern[bewerkn | brontekst bewerken]

De E17 komt West-Vloandern vanuut Vrankryk binn in Rekkem. Ie verloat de provincie were in Woaregem. Ie doet de volgende gemêentn an:

Traject in Europa[bewerkn | brontekst bewerken]

E17 route.jpg

De E17 es nen belangrykn verkêersoader deur hêel Europa. Ie verbindt Beaune (Vrankryk) met Antwerpn. Belangrykste steedn:

  • Antwerpen
  • Gent
  • Kortryk
  • Rysel
  • Arras
  • Cambrai
  • Laon
  • Reims
  • Châlons-sur-Marne
  • Troyes
  • Langres
  • Beaune

Varia[bewerkn | brontekst bewerken]

In Oarelbeke ein ze der en natuur/recreoatiepark van 80 ectaren met en grôot meer an overg'oudn: De Goavers, omdat ze vier miljoen kubieke meitrs zand nodig oan vô de talud van de autostrade.

Den E3 eit ôok de noame gegeevn an alle sôortn E3 loanen en stroatn, et E3 advertentieweekblad van Roularta en an de wielerkoerse E3 Prys Vloandern.

Wikimedia Commons

Externe Koppelienge[bewerkn | brontekst bewerken]

Website over de Belgische snelweegn