Kruudnoagel

Van Wikipedia
Ga naar: Begunplekkn, zoeken

Kruudnoagel is e specerye met e scherpe branderige smoake en e stravve reuke. Kruudnoagels zyn de gedroogde blommeknoppn van de kruudnoagelboom (Syzygium aromaticum), die van de zelfste familie is of de myrte.

Ofkomste[bewerkn | brontekst bewerken]

Kruudnoagel is ofkomstig van d' Indonesische Molukken. Den dag van vandoage wordt den boom surtout geplant in Indonesië, Madagaskar, Tanzania, Sri Lanka en Maleisië.

Kenmerkn[bewerkn | brontekst bewerken]

De kruudnoagelboom groeit 't best in e tropisch zêeklimoat. Den boom kan 15 m hoge wordn en de leerachtige bloarn die assan groen bluuvn, trekkn ip laurierbladjes. De blommeknoppn zyn rôod en deur z'in de zunne te loatn droogn kommn ze bruun.

Geneeskunde[bewerkn | brontekst bewerken]

Kruudnoagel is goed vo 't eetn te verteirn, 't zuvert de moage en 't ountsmet. 't Helpt teegn tandzêer en ountstekiengn in de mound.

Toepassienge[bewerkn | brontekst bewerken]

Kruudnoagel makt zoete gerechtn, patisserie en punch verfynder. 't Gift ook e speciale smoake an pikante vlêes-en visgerechtn, wild en geveugelte.

Kruudnoagel is een ingrediënt van verschillige kruudnmixen lik Indisch 'mix garam masala' en 't Arabisch miengsel 'baharat'. Vierkruudnpoeier (quatre épices) is surtout in Frankryk styf populair. 't Bestoat uut kruudnoagel, zwarte of witte peper, neutemuskoat en gember, soms ook piment en kanêel. Ook in de gekende worcestersause zit er kruudnoagel.

In de zomer kunn muggn weggejoagd wordn deur e poar kruudnoagels in een halve citroen te steekn.

Wikimedia Commons